కొత్త సంవత్సర కానుకగా ఈపీఎఫ్​ వడ్డీ జమ

2019-20 ఆర్థిక సంవత్సరానికి ఉద్యోగుల భవిష్య నిధి మొత్తాలపై నిర్ణయించిన 8.5 శాతం వడ్డీని చెల్లించాలని కేంద్రం నిర్ణయం తీసుకుంది. ఇందుకుగాను ఆర్థిక మంత్రిత్వ శాఖ అనుమతి పొందింది. ఈ నిర్ణయంతో ఆరు కోట్ల మంది సంఘటిత కార్మికుల ఖాతాల్లో జనవరి ఒకటో తేదీ నుంచి వడ్డీ జమ కానుంది.

ఉద్యోగుల భవిష్య నిధి సంస్థ (ఈపీఎఎఫ్​ఓ) 2019-20 ఆర్థిక సంవత్సరానికి.. 8.5 శాతం వడ్డీని ఒకే విడతలో జమ చేయాలని కేంద్రం నిర్ణయం తీసుకుంది. ఆరు కోట్ల ఈపీఎఫ్ ఖాతాల్లో జనవరి 1 నుంచి వడ్డీ మొత్తాన్ని జమ చేస్తునట్లు కార్మికశాఖ అధికారులు తెలిపారు. ఇందుకు ఆర్థికశాఖ అనుమతి పొందినట్లు పేర్కొన్నారు.

జమ చేసిన మొత్తం జనవరి ఒకటో తేదీ నుంచి ఖాతాల్లో కనిపించనుంది. ఈ నెల 31న పదవీవిరమణ పొందే వారు కూడా ఇందుకు అర్హులు.