మదుపరుల సంపద రూ.3.52 లక్షల కోట్లు వృద్ధి

వారాంతపు సెషన్​లో స్టాక్ మార్కెట్లలో బుల్ జోరు కొనసాగింది. దీనితో మదుపరుల సంపద భారీగా పెరిగింది. బీఎస్​ఈ లిస్టెడ్ కంపెనీల సంపద ఒక్క రోజే రూ.3.52 లక్షల కోట్లకుపైగా పెరిగినట్లు తెలిసింది.

ఆరు రోజుల పాటు నష్టాలను నమోదు చేసిన స్టాక్ మార్కెట్లు వారాంతంలో భారీగా పుంజుకున్నాయి. దీనితో మదుపరుల సంపద శుక్రవారం ఒక్క రోజే రూ.3.52 లక్షల కోట్లు పెరిగింది.

శుక్రవారం సెషన్​లో సెన్సెక్స్ 2.28 శాతం పెరిగింది. దీనితో బీఎస్​ఈ లిస్టెడ్ కంపెనీల సంపద రూ.3,52,020.53 కోట్లు పెరిగింది. మొత్తం సంపద రూ.1,52,28,237.75 కోట్లకు చేరింది.

బీఎస్​ఈ లిస్టెడ్ కంపెనీల్లో శుక్రవారం 1,988 సంస్థలు లాభాలను నమోదు చేశాయి. 660 కంపెనీలు నష్టపోయాయి. 170 కంపెనీలు స్తబ్తుగా సెషన్ ముగించాయి.

ఇదీ చూడండి:ఆరు రోజుల నష్టాలకు బ్రేక్- వారాంతంలో బుల్​ జోరు