తెలంగాణ

telangana

ETV Bharat / business

అమెజాన్ అధిపతి ఫోన్​ హ్యాకింగ్ సౌదీ పనే! - హ్యాకింగ్

సంచలనం సృష్టించిన అమెజాన్​ సంస్థ వ్యవస్థాపకుడు జెఫ్​ బెజోస్​ ఫోన్​ హ్యాకింగ్ వివాదం మరో మలుపు తిరిగింది.​  ఇది సౌదీ అరేబియా అధికారుల పనేనని బెజోస్​ నియమించుకున్న విచారణ అధికారి స్పష్టం చేశారు.

జెఫ్ బెజోస్

By

Published : Mar 31, 2019, 10:53 AM IST

Updated : Mar 31, 2019, 1:20 PM IST

జెఫ్​ బెజోస్​ ఫోన్​ హ్యాకింగ్ వివాదం
అమెజాన్​ వ్యవస్థాపకుడు జెఫ్​ బెజోస్​ ఫోన్​ హ్యాకింగ్​పై సరికొత్త నిజాలు బయటపడ్డాయి. ఇది సౌదీ అరేబియా అధికారుల పనేనని బెజోస్​ నియమించుకున్న విచారణ అధికారి గెవిన్ ది బెకర్ స్పష్టం చేశారు. వ్యక్తిగత సమాచారాన్ని దొంగిలించే ప్రయత్నంలోనే బెజోస్ ఫోన్​ హ్యాక్ చేశారని బెకర్​ తెలిపారు.

సౌదీ పాత్రికేయుడు జమాల్ కషోగ్జీ హత్య విషయంలో బెజోస్​ సొంత పత్రిక వాషింగ్టన్ పోస్ట్ విస్తృతంగా కథనాలు ప్రచురించింది. ఈ హత్య కేసులో సౌదీ రాజుపై ఆరోపణలు వచ్చాయి. ఇందుకు ప్రతీకారంగానే ఫోన్​ హ్యాకింగ్​కు పాల్పడ్డారని బెకర్​ వెల్లడించారు.

"బెజోస్​ ఫోన్​ను హ్యాక్​ చేసి వ్యక్తిగత సమాచారాన్ని సౌదీ దొంగిలించింది. మా పరిశోధకుల బృందం, చాలా మంది విశ్లేషకులు తేల్చింది ఇదే. వాషింగ్టన్​ పోస్ట్​ను సౌదీ రాజు మహ్మద్ బిన్​ సల్మాన్​ ప్రధాన శత్రువుగా భావించారు. ఇందులో బెజోస్​ భార్య తమ్ముడి పాత్ర కూడా ఉంది. సమాచారాన్ని బహిర్గతం చేసినందుకు ఆయనకు కొంత డబ్బు అందింది."
- గెవిన్ ది బెకర్, విచారణ అధికారి

ఈ ఆరోపణలపై బెకర్ పూర్తి వివరాలు తెలుపలేదు. సౌదీలోని ఏ విభాగం హ్యాకింగ్​కు పాల్పడినదీ ప్రస్తావించలేదు. కొన్ని వివరాలు చెప్పేసి సౌదీనే దోషిగా తేల్చారు బెకర్.

అసలేం జరిగిందంటే...

బెజోస్​ ఫోన్​ నుంచి వ్యక్తిగత సమాచారం, ముఖ్యమైన ఫొటోలు బహిర్గతమయ్యాయి. ఇందులో ఆయన వివాహేతర సంబంధ విషయాలూ ఉన్నాయి. అది బెజోస్​ దంపతుల విడాకులకు దారి తీసింది.

సమాచారం ఎలా లీకైందో తేల్చేందుకు బెకర్​ ఆధ్వర్యంలో ప్రైవేటుగా విచారణ చేయించారు బెజోస్​.

ఇదీ చూడండి:నలభై రెండేళ్ల నరకం తర్వాత స్వేచ్ఛ !

Last Updated : Mar 31, 2019, 1:20 PM IST

ABOUT THE AUTHOR

...view details