ప్రముఖ ఐటీ దిగ్గజ సంస్థ ఇన్ఫోసిన్ మరో ఘనత సాధించింది. క్లైమేట్ న్యూట్రల్ నౌ విభాగంలో ఐక్యరాజ్యసమితి అందించే గ్లోబల్ క్లైమేట్ యాక్షన్ అవార్డును సొంతం చేసుకుంది భారత కార్పొరేట్ దిగ్గజం. ఈ అవార్డు పొందిన తొలి భారత కార్పొరేట్ సంస్థగా సరికొత్త రికార్డు సృష్టించింది ఇన్ఫోసిస్.
స్పెయిన్ మాడ్రిడ్లో జరిగిన ఐక్యరాజ్యసమితి వాతావరణ మార్పుల సమావేశంలో ఈ అవార్డు అందుకున్నట్లు సంస్థ ప్రతినిధులు తెలిపారు. వాతావరణంలో జరిగే మార్పులను పరిష్కరించేందుకు వినూత్నంగా, ఆచరణాత్మక చర్యలతో ఇన్ఫోసిస్ చేపట్టిన 'కార్బన్ న్యూట్రల్ ప్రోగ్రామ్'కు ఈ అవార్డు దక్కినట్లు వెల్లడించారు. ఈ ప్రోగ్రామ్ ద్వారా వాతావరణ మార్పులతో పాటు లింగ సమానత్వం, ఆరోగ్య శ్రేయస్సు, ఆర్థిక అవకాశాలు తదితర అంశాల్లో స్థిరమైన అభివృద్ధి లక్ష్యాలను చేరుకునేందుకు కార్బన్ న్యూట్రల్ ప్రోగ్రామ్.. పలు చర్యలను సూచించిందని తెలిపారు.