దేశవ్యాప్తంగా త్వరలో 10వేల ఈవీ ఛార్జింగ్​ స్టేషన్స్!

దేశంలో త్వరలో 10వేల ఈవీ ఛార్జింగ్​ స్టేషన్లు ఏర్పాటు చేయనున్నట్లు (Indian Oil EV Charging Station) ప్రముఖ పెట్రోలియం మార్కెటింగ్ సంస్థ ఇండియన్ ఆయిల్ కార్పొరేషన్​ వెల్లడించింది.

ప్రముఖ చమురు మార్కెటింగ్ సంస్థ ఇండియన్​ ఆయిల్ కార్పొరేషన్​ కీలక ప్రకటన చేసింది. త్వరలో ఎలక్ట్రిక్ వాహనాల కోసం దేశవ్యాప్తంగా 10వేల ఛార్జింగ్​ స్టేషన్స్ (Indian Oil EV Charging Station) ఏర్పాటు చేయనున్నట్లు వెల్లడించింది. మరో మూడేళ్లలో ఇది పూర్తి కానున్నట్లు (Indian Oil EV Charging Station) ఇండియన్​ ఆయిల్ కార్పొరేషన్​ ఛైర్మన్​ ఎస్​ఎం వైద్య పేర్కొన్నారు.

"మరో 12 నెలల్లో 2000 ఈవీ ఛార్జింగ్​ స్టేషన్స్​ను (Indian Oil EV Charging Station) ఏర్పాటు చేస్తాం. ఆ తర్వాత రెండేళ్లలో మరో 8వేల ఛార్జింగ్​ స్టేషన్స్​ను స్థాపించడం ద్వారా మూడేళ్లలో 10వేల ఛార్జింగ్​ స్టేషన్స్​ను ఏర్పాటు చేయాలనే మా లక్ష్యాన్ని చేరుకుంటాం."

-ఎస్​ఎం వైద్య, ఇండియన్​ ఆయిల్ కార్పొరేషన్​ ఛైర్మన్

విద్యుత్​ వాహనాలకు డిమాండ్​ పెరుగుతున్న నేపథ్యంలో ఇండియన్​ ఆయిల్​ ప్రకటన ప్రాధాన్యం సంతరించుకుంది.

ఇటీవల రిలయన్స్​, భారత్​ పెట్రోలియం కూడా ఈవీ ఛార్జింగ్​ స్టేషన్స్​ ఏర్పాటుపై ప్రకటన విడుదల చేశాయి. రెండు సంస్థలూ సంయుక్తంగా సంబంధిత ఫ్యూయెల్​ పంప్​లలో ఈవీ ఛార్జింగ్​ స్టేషన్స్​ను ఏర్పాటు చేయనున్నట్లు వెల్లడించాయి.

ఇదీ చూడండి :5జీ ట్రయల్స్​లో వొడాఫోన్​ ఐడియా నయా రికార్డు​!