దుబాయ్లో ఉద్యోగం దొరకక నిరాశతో స్వదేశానికి తిరిగొచ్చిన ఓ భారతీయ రైతుకు బంపర్ లాటరీ తగిలింది. దుబాయ్ రాఫిల్ లాటరీలో 4 మిలియన్ డాలర్లకు పైగా గెలుచుకుని, రాత్రికి రాత్రే ఐశ్వర్యవంతుడయ్యాడు. భార్య నుంచి అప్పు తీసుకుని మరీ లాటరీ టికెట్టు కొని తిరుగలోని జాక్పాట్ కొట్టాడు.
ప్రస్తుతం హైదరాబాద్లో ఉంటున్న విలాస్ రిక్కాల బిగ్ టికెట్ రాఫిల్లో 4.8 మిలియన్ డాలర్లు (సుమారు 28 కోట్లు 42 లక్షలు) గెలుచుకున్నట్లు గల్ఫ్ న్యూస్ తెలిపింది. ఈ విషయం ఆయనకు శనివారమే తెలిసింది.
ఉద్యోగ ప్రయత్నాలు విఫలం
తెలంగాణ నిజామాబాద్ జిల్లా జర్కాన్పల్లి గ్రామానికి చెందిన విలాస్ రిక్కాల, పద్మ దంపతులకు ఇద్దరు కుమార్తెలు. భార్యాభర్తలు ఇద్దరూ వ్యవసాయ పనులు చేస్తుంటారు. వీరి వార్షిక ఆదాయం సుమారు రూ.3 లక్షలు. ఈ ఆదాయం చాలక ఆయన దుబాయ్లో ఉద్యోగం కోసం ప్రయత్నాలు చేశాడు. కొన్నాళ్లు డ్రైవర్గానూ పనిచేశాడు.
కలిసొచ్చిన అదృష్టం
విలాస్ ఉద్యోగ ప్రయత్నాలు కూడా విఫలం కావడం వల్ల... 45 రోజుల క్రితం భారత్కు తిరిగి వచ్చేశాడు. భార్య పద్మ నుంచి రూ.20 వేలు అప్పుతీసుకుని, దుబాయ్లో ఉన్న స్నేహితుడు రవికి ఇచ్చాడు. అతను విలాస్ పేరుమీద మూడు లాటరీ టికెట్లు తీసుకున్నాడు. అదృష్టం కలిసొచ్చి విలాస్ రాత్రికి రాత్రే కోటీశ్వరుడు అయ్యాడు. దీనికంతటికీ భార్య పద్మే కారణమని మురిసిపోతున్నాడు విలాస్.
ఇదీ చూడండి: గూగుల్ ఉండగా 'ఫోన్' పోయిందని దిగులేల?
