వాట్సాప్​లో ఐసీఐసీఐ బ్యాంక్​ సేవలు

కరోనా ప్రభావంతో అన్ని రంగాలు గడ్డు ప్రభావాన్ని ఎదుర్కొంటున్నాయి. బ్యాంకింగ్​ ఇందుకు మినహాయింపేమీ కాదు. దేశవ్యాప్తంగా లాక్​డౌన్​ వల్ల ఇంటినుంచే వాట్సాప్​తో బ్యాంకింగ్​ సేవలు పొందే సౌలభ్యాన్ని తీసుకొచ్చింది ఐసీఐసీఐ బ్యాంకు.

వాట్సాప్​తో బ్యాంకింగ్​ సేవలు పొందే సౌలభ్యాన్ని ఐసీఐసీఐ బ్యాంక్​ అందుబాటులోకి తీసుకొచ్చింది. కరోనా వైరస్​ వల్ల దేశవ్యాప్తంగా లాక్​డౌన్​ నడుస్తుండటంతో ఇంటినుంచే బ్యాంకింగ్​ అవసరాలు పూర్తిచేసే విధంగా ఈ సేవలను రూపొందించింది. వాట్సాప్​ 'ఐసీఐసీఐస్టాక్​' సేవలను రిటైల్​, బిజినెస్​ ఖాతాదార్లు పొందొచ్చని, ఇందులో దాదాపు 500 రకాల సేవలు లభిస్తాయని బ్యాంక్​ తెలిపింది. సేవింగ్స్​ ఖాతా నిల్వ, గత 3 లాావాదేవీలు, క్రెడిట్​ కార్డు పరిమితి, తక్షణ రుణం, క్రెడిట్​ కార్డు, డెబిట్​ కార్డు బ్లాక్​, అన్​ బ్లాక్​ వంటి సేవలనూ పొందొచ్చు.

• ఇలా చేయాలి... ఖాతాదారుడు ఐసీఐసీఐ బ్యాంక్​ ధ్రువీకరించిన వాట్సాప్​ ప్రొఫైల్​ నంబరు 9324953001ను మొబైల్​ కాంటాక్ట్స్​లో సేవ్​ చేసుకోవాలి.
• ఆ తర్వాత బ్యాంక్​లో నమోదైన ఖాతాదారు మొబైల్​ నంబరు నుంచి ఈ నంబరుకు 'హాయ్​' అని మెసేజ్​ పంపాలి.
• వెంటనే బ్యాంక్​ సేవల వివరాలతో కూడిన జాబితాను పంపిస్తుంది.
• సేవల జాబితాలో మనకు అవసరమైన సేవకు సంబంధించి కీవర్డ్​ను టైప్​ చేయాలి. ఉదాహరణకు(బ్యాలెన్స్​), (బ్లాక్​);
• అనంతరం సేవలను పూర్తి చేయొచ్చు.