ప్రముఖ ద్విచక్ర వాహన తయారీ సంస్థ హోండా మోటార్‌ సైకిల్‌ అండ్‌ స్కూటర్ ఇండియా (హెచ్‌ఎంఎస్‌ఐ) మరో కొత్త బైక్‌ను విడుదల చేసింది. సీబీ200ఎక్స్(CB200X) పేరిట కొత్త మోడల్ను మార్కెట్లోకి తీసుకొచ్చింది. దీని ధరను రూ.1.44 లక్షలుగా (ఎక్స్‌షోరూమ్‌, గురుగ్రామ్‌) నిర్ణయించింది. రోజువారీ అవసరాలతో పాటు ఆఫ్‌రోడ్‌ రైడింగ్‌కు అనుగుణంగా ఈ బైక్‌ను హోండా తీర్చిదిద్దింది. హీరో ఎక్స్‌పల్స్‌ 200కు పోటీగా ఈ బైక్‌ను తీసుకొచ్చినట్లు తెలుస్తోంది.
మారుతున్న పట్టణ యువత జీవనశైలిని దృష్టిలో ఉంచుకుని వారికి అత్యుత్తమ రైడింగ్‌ అనుభూతిని అందించే ఉద్దేశంతో CB200Xను తీర్చిదిద్దినట్లు హోండా మేనేజింగ్‌ డైరెక్టర్‌, ప్రెసిడెంట్‌, సీఈవో అత్సుషి ఒగాటా బైక్ విడుదల సందర్భంగా పేర్కొన్నారు. ఈ బైక్ రోజువారీ అవసరాలు తీర్చడంతోపాటు వారాంతపు ప్రయాణాలకు అనువుగా ఉంటుందని పేర్కొన్నారు.