2019-20లో భారత వృద్ధిరేటు 5 శాతమే!

2019-20 ఆర్థిక సంవత్సరానికి గాను భారత వృద్ధిరేటు 5 శాతంగా ఉంటుందని అంచనా వేసింది ప్రపంచ బ్యాంకు. అయితే 2020-21లో మాత్రం దేశ వృద్ధిరేటు 5.8 శాతానికి చేరుకునే అవకాశం ఉందని తెలిపింది. పెట్టుబడి, వాణిజ్య రంగాలు క్రమంగా పుంజుకుంటున్న నేపథ్యంలో 2020లో ప్రపంచ వృద్ధిరేటు 2.5 శాతం వరకు పెరుగుతుందని వెల్లడించింది.

2019-20 ఆర్థిక సంవత్సరంలో భారత వృద్ధిరేటు 5 శాతానికి తగ్గుతుందని ప్రపంచ బ్యాంకు అంచనా వేసింది. కానీ 2020-21 నాటికి ఈ వృద్ధి రేటు కొంత అభివృద్ధి చెంది.. 5.8 శాతానికి చేరుకునే అవకాశం ఉందని తెలిపింది.

"భారత్​లో బ్యాంకింగేతర ఆర్థిక సంస్థల రుణ బలహీనత కొనసాగుతుంది. మార్చి 31తో ముగిసే 2019-20 ఆర్థిక సంవత్సరంలో భారత వృద్ధిరేటు 5 శాతానికి తగ్గుతుంది. అయితే తరువాతి ఆర్థిక సంవత్సరంలో ఈ వృద్ధిరేటు 5.8 శాతానికి చేరుకునే అవకాశం ఉంది."-ప్రపంచ బ్యాంకు

బ్యాంకింగేతర సంస్థలలో రుణాల మంజూరు కోసం ఉన్న కఠినతర నిబంధనలు, వినియోగంలో తగ్గుదలకు తోడు ప్రాంతీయ రాజకీయ ఉద్రిక్తతలు కూడా దేశ వృద్ధిరేటుపై ప్రభావం చూపుతున్నాయని ప్రపంచ బ్యాంకు పేర్కొంది.

ప్రపంచ వృద్ధిరేటు..

పెట్టుబడి, వాణిజ్య రంగాలు క్రమంగా పుంజుకుంటున్న నేపథ్యంలో 2020లో ప్రపంచ వృద్ధిరేటు 2.5 శాతం వరకు పెరుగుతుందని ప్రపంచ బ్యాంకు అంచనా వేసింది.

ఇదీ చూడండి: రెడ్​మీ 8కి పోటీగా రియల్​మీ 5ఐ- నేడే లాంఛ్​