పసిడి పరిశ్రమ అభివృద్ధి లక్ష్యంగా సమగ్ర పాలసీ!

బంగారం పరిశ్రమ అభివృద్ధి, ఆభరణాల ఎగుమతిలో వృద్ధి లక్ష్యంగా సమగ్ర పాలసీని తీసుకురానుంది కేంద్రం. బంగారంపై ఏకీకృత పాలసీ త్వరలోనే ప్రవేశపెట్టనున్నట్లు ఆర్థిక శాఖ వర్గాలు తెలిపాయి. ఈ విధానంపై నీతి ఆయోగ్​ ఇప్పటికే నివేదిక సమర్పించింది.

బంగారంపై ఏకీకృత సమగ్ర పాలసీ తీసుకొచ్చేందుకు ప్రభుత్వం కసరత్తు చేస్తోంది. ఈ నూతన విధానం త్వరలోనే అందుబాటులోకి వచ్చే అవకాశం ఉన్నట్లు ఆర్థిక శాఖ పేర్కొంది. బంగారం పరిశ్రమ అభివృద్ధి, ఆభరణాల ఎగుమతుల్లో వృద్ధి లక్ష్యంగా నూతన విధానం రూపొందిస్తున్నట్లు తెలిపింది.

బంగారం పాలసీపై సమగ్ర నివేదికను నీతి ఆయోగ్​ సమర్పించినట్లు తెలిపారు ఆర్థిక వ్యవహారాల శాఖ సంయుక్త కార్యదర్శి సురీందర్​ పాల్​ సింగ్​. దానిని పరిశీలిస్తున్నట్లు తెలిపారు. తప్పకుండా బంగారంపై నూతన విధానం ఉంటుందన్నారు.

సుంకాల తగ్గింపునకు డిమాండ్​..

బంగారం దిగుమతులపై ప్రస్తుతం 12.5 శాతంగా ఉన్న దిగుమతి సుంకాలను 4 శాతానికి తగ్గించాలని దేశీయ బంగారం పరిశ్రమ డిమాండ్​ చేస్తోంది. అత్యంత విలువైన బంగారం దిగుమతి, వినియోగంలో అతిపెద్ద మార్కెట్​గా ఉన్న భారత్​లో ఇంతవరకు బంగారం పాలసీ లేదు. మోదీ 1.0 ప్రభుత్వంలో అప్పటి ఆర్థిక మంత్రి అరుణ్​ జైట్లీ... సమగ్ర బంగారం విధానాన్ని రూపొందిస్తున్నట్లు ప్రకటించారు.

ఇదీ చూడండి: 'రైల్వేను ప్రైవేటీకరించం.. కార్పొరేటీకరిస్తాం అంతే!'