గోధుమలు, పప్పు ధాన్యాల మద్దతు ధర పెంపు

గోధుమలు, పప్పు ధాన్యాలు, కందుల కనీస మద్దతు ధర పెంచింది కేంద్ర ప్రభుత్వం. ప్రధాని నరేంద్రమోదీ నేతృత్వంలో భేటీ అయిన ఆర్థిక వ్యవహారాల మంత్రివర్గ కమిటీ ఈ నిర్ణయం తీసుకుంది. ఈ ధరలు రబీ నుంచి అమలు కానున్నాయి.

సంక్షోభంలో ఉన్న వ్యవసాయ రంగానికి ఊతమిచ్చే దిశగా కేంద్ర ప్రభుత్వం కీలక నిర్ణయం తీసుకుంది. గోధుమలు, పప్పు ధాన్యాలు, కందుల కనీస మద్దతు ధరను పెంచింది. ప్రధాని నరేంద్ర మోదీ నేతృత్వంలో దిల్లీలో భేటీ అయిన ఆర్థిక వ్యవహారాల మంత్రివర్గ కమిటీ ఈ నిర్ణయం తీసుకుంది.

గోధుమల మద్దతు ధరను క్వింటాలుకు రూ.85, పప్పు ధాన్యాలు క్వింటాలుకు రూ.325 పెంచింది మంత్రివర్గ కమిటీ. కందుల కనీస మద్దతు ధరను క్వింటాలుకు రూ.255 పెంచింది.

రబీ నుంచి...

తాజా పెంపు రబీ​ నుంచి అమలు కానుంది. గోధుమల మద్దతు ధర క్వింటాలుకు రూ.1,845 నుంచి రూ.1,925 పెరగనుంది. పప్పు ధాన్యాల మద్దతు ధర రూ.4,475 నుంచి రూ.4,800కు చేరనుంది. కందుల మద్దతు ధర రూ.4,620 నుంచి రూ.4,875 పెరగనుంది. నూనె విత్తనాలపై క్వింటాలుకు రూ.225 పెంచింది.

ఇదీ చూడండి: డీకే శివకుమార్​ కోసం తిహార్ జైలు​కు సోనియా గాంధీ