దిగ్గజ ఆటోమొబైల్‌ సంస్థ జనరల్ మోటార్స్కు చెందిన కార్మికులు అమెరికావ్యాప్తంగా సమ్మె బాట పట్టారు. వేతనాలు, ఇతర విషయాలపై చర్చల్లో ఏర్పడిన ప్రతిష్టంభనతో దాదాపు 49 వేల మంది కార్మికులు విధులు బహిష్కరించారు. ఈ సమ్మెతో అమెరికావ్యాప్తంగా 9 రాష్ట్రాల్లోని 33 ఉత్పత్తి కేంద్రాల్లో, 22 పంపిణీ కేంద్రాల్లో పనులు నిలిచిపోయాయి.
జనరల్ మోటార్స్ కార్మికుల సమ్మె బాట
వేతనాలు, ఆరోగ్య సంరక్షణ ప్రయోజనాలు, తాత్కాలిక కార్మికులు, ఉద్యోగ భద్రతపై జనరల్ మోటార్స్కు, కార్మికులు చేసుకున్న నాలుగేళ్ల కాంట్రాక్టుకు కాలం చెల్లింది. కొత్త ఒప్పందం కుదుర్చుకోవడంపై చర్చలు సఫలం కాలేదు. ఫలితంగా సమ్మెకు దిగారు కార్మికులు.