'కరోనా టీకా అభివృద్ధి కోసం రూ. 900కోట్లు'

కరోనా వ్యాక్సిన్​పై పరిశోధనల కోసం రూ. 900కోట్ల గ్రాంట్లను అందించనున్నట్టు ప్రకటించారు కేంద్ర ఆర్థికమంత్రి నిర్మలా సీతారామన్​. వ్యాక్సిన్​ ధర, సరఫరా వ్యయం వంటి విషయాలకు ఈ గ్రాంట్ల నుంచి మినహాయింపు ఉందని పేర్కొన్నారు.

కరోనాపై పోరులో భాగంగా కేంద్ర ప్రభుత్వం కీలక నిర్ణయం తీసుకుంది. వ్యాక్సిన్​ పరిశోధనల కోసం బయోటెక్నాలజీ విభాగానికి రూ. 900కోట్ల గ్రాంటు మంజూరు చేసింది. ఈ విషయాన్ని కేంద్ర ఆర్థికమంత్రి నిర్మలా సీతారామన్​ వెల్లడించారు.

అయితే వ్యాక్సిన్​ ధర, సరఫరా వ్యయాన్ని ఇందులో జోడించడం లేదని స్పష్టం చేశారు ఆర్థికమంత్రి. టీకా సిద్ధంగా ఉన్నప్పుడు ఆయా ఖర్చులపై నిర్ణయం తీసుకుంటామన్నారు.

మరోవైపు దేశీయ రక్షణ పరికరాలు, పరిశ్రమలకు ప్రోత్సాహకాలు, మౌలిక వసతుల కోసం.. రూ. 10,200కోట్ల అదనపు బడ్జెట్​ను కేటాయించినట్టు పేర్కొన్నారు నిర్మలా సీతారామన్​.

ఇదీ చూడండి:-'పన్ను పారదర్శకత వైపు భారత్​ అడుగులు'