అక్టోబర్​ 16 నుంచి కేంద్ర బడ్జెట్​​ ప్రక్రియ షురూ

కరోనా సంక్షోభంతో అతలాకుతలమైన ఆర్థిక వ్యవస్థను గాడిలోపెట్టేందుకు కేంద్రం సన్నాహాలు ప్రారంభించింది. 2021-22 ఏడాది వార్షిక బడ్జెట్ రూపొందించే​ ప్రక్రియను అక్టోబర్​ 16 నుంచి ప్రారంభించినట్లు కేంద్ర ఆర్థిక శాఖ ప్రకటించింది.

2021-22 ఏడాదికిగానూ వార్షిక బడ్జెట్ సన్నాహాకాలను అక్టోబర్16 నుంచి ప్రారంభించనున్నట్లు కేంద్ర ఆర్థిక శాఖ ప్రకటించింది. ఈ మేరకు గురువారం నోటిఫికేషన్​ విడుదల చేసింది.

ఇది మోదీ 2.0 ప్రభుత్వం, ఆర్థిక మంత్రి నిర్మలా సీతారామన్​ ఆధ్వర్యంలో రానున్న మూడో పద్దు. కరోనా మహమ్మారితో కుదేలైన ఆర్థిక వ్యవస్థను గాడిలో పెట్టడమే లక్ష్యంగా బడ్జెట్​ రూపొందించాల్సి ఉందని అభిప్రాయపడింది ఆర్థిక శాఖ. ఇంకా ఆదాయ మార్గాలకు సంబంధించిన క్లిష్ణమైన సమస్యలకు బడ్జెట్​లో పరిష్కారం చూపాల్సి ఉందని కేంద్రం పేర్కొంది.

''ఆర్థిక వ్యవహారాల శాఖ బడ్జెట్​ విభాగానికి చెందిన బడ్జెట్​ సర్క్యులర్​ ప్రకారం 2020 అక్టోబర్​ 16 నుంచి ​ ముందస్తు సమావేశాలు ప్రారంభమవుతాయి. నవంబర్​ మొదటి వారం వరకు ఇవి కొనసాగుతాయి.''

-ఆర్థిక మంత్రిత్వ శాఖ నోటిఫికేషన్​

ఈ సమావేశాల్లో కేంద్ర రంగం, ప్రభుత్వ ప్రాయోజిత పథకాలు సహా అన్ని వర్గాలకు సంబంధించి ఖర్చుల గురించి నిపుణులతో చర్చించనున్నారు. వ్యయ కార్యదర్శి ఇతర కార్యదర్శులతో పాటు ఆర్థిక సలహాదారులతో చర్చలు జరిపిన తరువాత 2021-22 బడ్జెట్ అంచనాలను ఖరారు చేస్తారు.

2021-22 వార్షిక బడ్జెట్​ను 2021 ఫిబ్రవరి 1న పార్లమెంటులో ప్రవేశపెట్టే అవకాశముంది.

ఇవీ చూడండి: