రష్యాకు చెందిన కొవిడ్-19 వ్యాక్సిన్ 'స్పుత్నిక్-వి'పై అత్యవసర వినియోగ అనుమతికి ముందు మరింత అదనపు సమాచారం ఇవ్వాలని కోరుతూ.. కేంద్ర ఔషధ ప్రాధికార సంస్థలోని నిపుణుల కమిటీ.. డాక్టర్ రెడ్డీస్ను కోరింది. తదుపరి సమావేశంలో దీనిపై నిర్ణయం తీసుకునే అవకాశం ఉందని విశ్వసనీయ వర్గాలు వెల్లడించాయి.
''స్పుత్నిక్-వి'పై అదనపు సమాచారం ఇవ్వండి'
రష్యా అభివృద్ధి చేసిన కరోనా వ్యాక్సిన్ 'స్పుత్నిక్-వి'పై అదనపు సమాచారం ఇవ్వాలని కేంద్ర ఔషధ ప్రాధికార సంస్థ.. డాక్టర్ రెడ్డీస్ను కోరింది. ఈ టీకా అత్యవసర వినియోగానికి ముందు సంబంధిత డేటాను సమర్పించాలంది.
స్పుత్నిక్-విపై అదనపు సమాచారమివ్వండి
కొవిడ్-19పై కేంద్ర ఔషధ ప్రమాణాల సంస్థ(సీడీఎస్సీఓ) నియమించిన విషయ నిపుణుల కమిటీ(ఎస్ఈసీ)కి గత ఫిబ్రవరి 24న డాక్టర్ రెడ్డీస్.. దేశంలో ఉత్పత్తి చేసిన గామ్-కొవిడ్-వ్యాక్సిన్ కంబైన్డ్ వెక్టార్ వ్యాక్సిన్ తాత్కాలిక భద్రత, ఇమ్యునోజెనిసిటీ డేటాను కొనసాగుతున్న రష్యన్ అధ్యయనం నుంచి తాత్కాలిక డేటాతో పాటు సమర్పించింది. గురువారం సమావేశమైన ఎస్ఈసీ అత్యవసర వినియోగ అనుమతి దరఖాస్తుపై చర్చించింది. సంస్థ అన్ని ఇమ్యునోజెనిసిటీ పరామితులకు సంబంధించిన డేటాను, తీవ్రమైన ప్రతికూల సంఘటనల డేటాను, ఆర్టీ-పీసీఆర్ పాజిటివ్ కేసులకు సంబంధించిన డేటాను సమర్పించాలని సిఫార్సు చేసింది. భారతీయ, రష్యన్ అధ్యయనాలపై వివిధ సమయాల్లో మూడో దశ ఇమ్యునోజెనిసిటీ డేటాను తులనాత్మక విశ్లేషణతో అందించాలని కోరింది.
ఇదీ చదవండి:'టీకా అసమానతల'పై డబ్ల్యూటీఓ ఆందోళన