క్రిప్టో కరెన్సీ రూపంలో భారత్​కు భారీ విరాళం

కరోనా పోరులో భారత్​కు అండగా నిలిచేందుకు ముందుకు వచ్చారు రష్యాకు చెెందిన విటలిక్ బుటేరియన్​. ఆయన ప్రపంచంలోనే రెండో అతిపెద్ద క్రిప్టో కరెన్సీ ఎథేరియం సహ వ్యవస్థాపకుడు. ఈ విరాళం విలువ సుమారు 1.14 బిలియన్​ డాలర్లు.

కరోనా పై పోరాటం చేస్తున్న భారత్​కు మద్దతుగా నిలిచారు విటలిక్​ బుటేరియన్​. ప్రపంచంలోనే రెండో అతిపెద్ద క్రిప్టోకరెన్సీ అయిన ఎథేరియం కాయిన్లను ఇండియా కొవిడ్​ క్రిప్టోరిలీఫ్​ ఫండ్​కు విరాళంగా ఇచ్చారు. 500 ఎథేరియం కాయిన్లతో పాటు 50 ట్రిలియన్​ షిబ్​ కాయిన్లను కూడా దానం చేశారు. వీటి మొత్తం విలువ సుమారు 1.14 బిలియన్​ డాలర్లు.

అయితే విటలిక్​ ఈ ప్రకటన చేసిన వెంటనే షిబ్ కాయిన్​ విలువు అమాంతగా 35శాతానికి పైగా పడిపోయింది. దీనిపై ఇండియా కొవిడ్​ క్రిప్టో రిలిఫ్​ ఫండ్​ ప్రతినిధి సందీప్​ నైల్వాల్​ స్పందించారు. షిబ్​ కాయిన్​కు సంబంధించిన రిటైల్​ పెట్టుబడిదారులు కంగారు పడాల్సింది ఏం లేదని తెలిపారు.

ఇటీవల కాలంలో షిబ్​ కాయిన్​ బిలియన్​ డాలర్ల మేరకు పెట్టబడులను రాబట్టిందని అమెరికాకు చెందిన వార్తా సంస్థ టెక్​ క్రంచ్​ చెప్పుకొచ్చింది.

ఇదీ చూడండి:క్రిప్టో సంబంధాలపై పునరాలోచన!