జీవిత ధ్రువీకరణ పత్రం సమర్పణపై ఈపీఎఫ్ఓ క్లారిటీ

కామన్​ సర్వీస్​ సెంటర్​ ద్వారా పెన్షనర్లు తమ జీవిత ధ్రువీకరణ పత్రాన్ని సమర్పించవచ్చని వెల్లడించింది ఈపీఎఫ్​ఓ. ఈ పత్రాన్ని ఏడాది మొత్తంలో ఎప్పుడైన దాఖలు చేయవచ్చని సూచించింది.

ఉద్యోగుల భవిష్య నిధి సంస్థ- ఈపీఎఫ్​ఓ ఖాతా సభ్యులు తమ జీవిత ధ్రువీకరణ పత్రాన్ని కామన్ సర్వీస్ సెంటర్ (సీఎస్​సీ) నెట్‌వర్క్‌ ద్వారా సమర్పించవచ్చని స్పష్టం చేసింది. కరోనా సంక్షోభం కారణంగా ఎంప్లాయిస్​ పెన్షన్ స్కీమ్​ (ఈపీఎస్​)ను వారి ఇంటి వద్దకే తీసుకొని వెళ్లేలా చర్యలను ప్రారంభిస్తున్నట్లు తెలిపారు అధికారులు. డిజిటల్ జీవన్​ ప్రమాణ్​​ పత్రాన్ని అందించేలా ఈపీఎఫ్​ఓ సీఎస్​సీతో భాగస్వామ్యం కుదుర్చుకుందని కార్మిక మంత్రత్వశాఖ స్పష్టం చేసింది.

సుమారు 65 లక్షల మంది పెన్షనర్లు ఉన్నట్లు కార్మిక శాఖ చెబుతోంది. వీరంతా దేశవ్యాప్తంగా ఉన్న 3.65 లక్షల సీఎస్​సీల ద్వారా జీవిత ధ్రువీకరణ పత్రాలను సమర్పించవచ్చని అధికారులు వెల్లడించారు.

ఎక్కడైనా.. ఎప్పుడైనా..

పెన్షన్​ను ఉపసహరించుకోవాలంటే వారి జీవిత ధృవీకరణ పత్రాన్ని ఏటా సమర్పించాలని సమర్పించాల్సి ఉంటుంది. అయితే సీఎస్​సీలతోపాటు దేశ వ్యాప్తంగా ఉన్న 135 ప్రాంతీయ , 117 జిల్లా కార్యాలయాలు, పెన్షన్​ నగదు ఇచ్చే బ్యాంకుల్లో ఈ పత్రాన్ని అందివ్వచ్చని స్పష్టం చేసింది.

ఈ పత్రాన్ని సంవత్సరంలో ఎప్పుడైనా ఇవ్వవచ్చని తెలిపింది. ఈపీఎఫ్​ఓకు సమర్పించిన రోజు నుంచి ఏడాది పాటు ఈ పత్రం చెల్లుతుందని పేర్కొంది. ఇంతకుముందు నవంబర్​లోనే ధ్రువీకరణ పత్రాన్ని సమర్పించాల్సి వచ్చేది.

పెన్షనర్లు వారికి అనుగుణంగా ఉన్న డెలీవరీ ఎజెన్సీని ఎన్నుకునే అవకాశాన్ని కల్పిస్తున్నట్లు ప్రకటించింది ఈపీఎఎఫ్​ఓ.