మేలో కొత్త ఉద్యోగుల సంఖ్య 3.18 లక్షలు

కరోనా లాక్​డౌన్​తో ఏప్రిల్​ భారీగా తగ్గిన కొత్త ఉద్యోగాలు.. మేలో కాస్త పెరిగినట్లు ఈపీఎఫ్​ఓ పేరోల్ డేటా ద్వారా తెలిసింది. మేలో కొత్తగా (సంఘటిత రంగాల్లో)ఉద్యోగాల్లో చేరిన వారిన వారి సంఖ్య 3.18 లక్షలుగా నమోదైనట్లు వెల్లడైంది.

సంఘటిత రంగాల్లో మేలో కొత్తగా ఉద్యోగాల్లో చేరిన వారి సంఖ్య 3.18 లక్షలకు పెరిగింది. ఉద్యోగుల భవిష్యనిధి సంస్థ (ఈపీఎఫ్​ఓ) పేరోల్ డేటా ద్వారా ఈ విషయం వెల్లడైంది. సంపూర్ణ లాక్​డౌన్​ కారణంగా ఏప్రిల్​లో లక్ష ఉద్యోగాలు మాత్రమే నమోదైనట్లు ఈ డేటాలో తొలుత వెల్లడైంది. అయితే ఇటీవల చేసిన సవరణలతో ఏప్రిల్​లో కొత్తగా ఉద్యోగాల్లో చేరిన వారి సంఖ్య 1.33 లక్షలుగా తేలింది.

కరోనా వైరస్ వ్యాప్తిని అరికట్టేందుకు మార్చి చివరి వారం నుంచి లాక్​డౌన్ అమలు చేసింది కేంద్రం. ఈ నేపథ్యంలో ఉద్యోగ అవకాశాలు ఏప్రిల్​లో రికార్డు స్థాయిలో తగ్గిపోయాయి.

కరోనా విజృంభణకు ముందు మార్చిలో 5.72 లక్షలు, ఫిబ్రవరిలో 10.21 లక్షల మంది కొత్తగా ఉద్యోగాల్లో చేరడం గమనార్హం.

2019-20 ఆర్థిక సంవత్సరంలో కొత్తగా ఈపీఎఫ్ పరిధిలోకి వచ్చిన వారి సంఖ్య 78.58 లక్షలకు పెరిగింది. అంతకు ముందు ఆర్థిక సంవత్సరం(2018-19) ఈ సంఖ్య 61.12 లక్షలుగా ఉంది.

ఇదీ చూడండి:ఇకపై గ్రూప్ పాలసీగా కరోనా కవచ్