పెట్రోల్​ను దాటేసిన డీజిల్.. నేటి ధరలు ఇవే

వరుసగా 18వ రోజూ డీజిల్ ధరను పెంచాయి చమురు మార్కెటింగ్ సంస్థలు. పెట్రోల్ ధరల్లో మాత్రం ఎలాంటి మార్పులు చేయలేదు. తాజా పెంపుతో దిల్లీలో లీటర్ డీజిల్ ధర, లీటర్​ పెట్రోల్ ధరను మించింది.

పెట్రోల్ ధరల పెరుగుదలకు 18వ రోజు బ్రేక్​ పడింది. బుధవారం పెట్రోల్ ధరలను యథాతథంగా ఉంచుతూ చమురు మార్కెటింగ్ సంస్థలు నిర్ణయం తీసుకున్నాయి. అయితే డీజిల్ ధర మాత్రం దాదాపు 45 పైసలకుపైగా పెంచాయి.

17 రోజుల వరకు పెట్రోల్ ధర లీటర్​పై రూ.8.50 పెరిగింది. డీజిల్ ధర మాత్రం 18 రోజుల్లో లీటర్​పై రూ.10.49 పెరిగింది. దిల్లీలో లీటర్​ పెట్రోల్ కన్నా.. లీటర్​ డీజిల్ ఖరీదుగా మారింది.

ప్రధాన నగరాల్లో పెట్రోల్, డీజిల్ ధరలు..

నగరం	పెట్రోల్ (లీ)	డీజిల్(లీ)
దిల్లీ	రూ.79.80	రూ.79.92
హైదరాబాద్	రూ.82.77	రూ.78.04
బెంగళూరు	రూ.82.33	రూ.75.94
ముంబయి	రూ.86.52	రూ.78.20
చెన్నై	రూ.83.02	రూ.77.16
కోల్​కతా	రూ.81.44	రూ.75.04

ఇదీ చూడండి:భారత సంస్థలపై చైనా హ్యాకర్ల దాడి!