కోకాకోలాకు మీరు అభిమానులా? ఎన్నో ఏళ్లుగా కోక్ రుచిని ఆస్వాదిస్తున్నారా? అయితే.. ఈ సారి మీకు ఓ కొత్త అనుభవాన్ని అందించేందుకు సిద్ధమవుతోంది కోకాకోలా సంస్థ. తన సోడా డ్రింక్ రెసీపీని మార్చి, సరికొత్త రుచిని పరిచయం చేయాలని భావిస్తోంది.
'మరింత రుచి కోసమే..'
కోకా-కోలా జీరో షుగర్(కోక్ జీరో) రుచిని మారుస్తున్నట్లు కోకాకోలా సంస్థ ప్రకటించింది. రుచితోపాటు నలుపు-ఎరుపు కాంబినేషన్లో కనిపించే ఈ పానీయం రంగు కూడా మారే అవకాశం ఉందని తెలుస్తోంది. చివరిసారిగా 1985లో తన సోడా రుచిని మార్చింది ఈ సంస్థ.
'కోక్ను వదిలేస్తాం'
అయితే ఏదేమైనా కోక్ ప్రియులు మాత్రం ఈ విషయాన్ని ఒప్పుకోవటం లేదు. సామాజిక మాధ్యమాల్లో కోకా కోలా నిర్ణయానికి వ్యతిరేకంగా పోస్టులు పెడుతున్నారు. కొంతమంది తాము కోక్ను వదిలేసి వేరే పానీయాన్ని తాగుతామని చెబుతుండగా.. మరికొందరేమో.. తాము పెప్సీనే ఇకపై తాగుతామని అంటున్నారు.
ఈ కొత్త రుచితో వచ్చే కోక్ను అమెరికాలో ఈ నెలలోనే విడుదలు చేయనున్నట్లు తెలుస్తోంది. సెప్టెంబర్ నాటికి కెనడాలో దీన్ని తీసుకురానున్నారు. 1985లో కోక్ రుచిని మారుస్తూ 'న్యూ కోక్' విడుదల చేసిందీ సంస్థ. అయితే.. ఎక్కువ తీపిగా ఉందన్న కారణంతో దీనిని చాలామంది తిరస్కరించారు.
ఇదీ చూడండి:Coca cola: రొనాల్డో వద్దన్నాడు.. లియోనార్డో తాగాడు!
ఇదీ చూడండి:రొనాల్డో దెబ్బకు కోకాకోలా కంపెనీకి 30వేల కోట్ల నష్టం
