దసరా తర్వాత కశ్మీర్‌కు పెట్టుబడుల వరద!

ఆర్టికల్ 370 రద్దుతో జమ్ముకశ్మీర్​లో​ పెట్టుబడులకు అనుకూల వాతావరణం ఏర్పడుతుందని కేంద్ర ప్రభుత్వం విశ్వసిస్తోంది. అందుకే అక్టోబర్​లో అక్కడ పెట్టుబడుల సదస్సు నిర్వహించాలని యోచిస్తోంది.

ఆర్టికల్​ 370 రద్దు చేసిన కేంద్ర ప్రభుత్వం.... అక్టోబర్​లో(దసరా సమయం) జమ్ముకశ్మీర్​లో భారీ స్థాయిలో పెట్టుబడి సదస్సు నిర్వహించడానికి ప్రణాళిక సిద్ధం చేసింది. ఈ సదస్సుకు ప్రముఖ నాయకులంతా హాజరయ్యే అవకాశం ఉంది.

రాష్ట్రాభివృద్ధి కోసం

జమ్ముకశ్మీర్​కు ప్రత్యేక ప్రతిపత్తి కల్పించే ఆర్టికల్​ 370 వల్ల ఇన్నాళ్లూ కశ్మీరీయేతరులు ఆ ప్రాంతంలో భూమి లేదా ఆస్తులు కొనుగోలు చేయలేకపోయేవారు. ఫలితంగా రాష్ట్రానికి ప్రైవేటు పెట్టుబడులు, పరిశ్రమలు రాక అభివృద్ధి కుంటుపడింది.

ఇప్పుడు ఆర్టికల్​ 370 రద్దు వల్ల ఆ ప్రాంతంలో పెట్టుబడులకు అనుకూలమైన వాతావరణం ఏర్పడుతుందని ప్రభుత్వం విశ్వసిస్తోంది. ప్రత్యేక హోదా తొలగింపు తమకు ప్రయోజనం చేకూరుస్తుందని కశ్మీరీ ప్రజలు అర్థం చేసుకుంటారనీ కేంద్రం ఆశిస్తోంది.

ఇదీ చూడండి: 'ఉగ్ర కుట్రల జోరు పెంచిన పాకిస్థాన్'