దేశవ్యాప్తంగా కరోనావైరస్ విస్తరిస్తున్న నేపథ్యంలో ఫేస్‌మాస్క్‌ల వినియోగం భారీగా పెరిగిపోయింది. ఇదే అదునుగా వ్యాపారులు ధరలు పెంచకుండా కేంద్రం చర్యలు ప్రారంభించింది. మూడు లేయర్ల మెల్ట్బౌన్ ఫేస్‌మాస్క్ ధర రూ.16 మించరాదని స్పష్టం చేసింది. జూన్ 30 వరకు ఈ నిబంధనలు అమలులో ఉంటాయని వినియోగదారు వ్యవహారాల మంత్రిత్వ శాఖ కార్యదర్శి పవన్ అగర్వాల్ తెలిపారు.
ఇప్పటికే మార్చి 21న రెండు, మూడు లేయర్ల సర్జికల్‌ ఫేస్‌మాస్క్‌ల ధరలు రూ.8, రూ.10 మించరాదని కేంద్రం ఆంక్షలు విధించిన విషయం తెలిసిందే.