దేశ భద్రత దృష్ట్యా టెలికం రంగంపై 'నేషనల్ సెక్యూరిటీ డైరెక్టివ్'ను ఏర్పాటు చేయాలని కేంద్ర మంత్రివర్గం బుధవారం నిర్ణయం తీసుకుంది. దీంతో చైనా నుంచి దిగుమతి చేసుకునే టెలికాం వస్తువులకు అడ్డుకట్ట పడనుంది.
'నమ్మకమైన వర్గాల' నుంచి మాత్రమే దేశంలోని నెట్‌వర్క్‌ సంస్ధలు తమకు అవసరమైన సామాగ్రిని కొనుగోలు చేయాలన్న ప్రతిపాదనను మంత్రివర్గం ఈ మేరకు ఆమోదించింది. దీనిప్రకారం ఆయా కొనుగోళ్లకు సంబంధించి విశ్వసనీయ ఉత్పత్తులు, కంపెనీల జాబితాను కేంద్రం త్వరలో ప్రకటించనుంది.