గుడ్ న్యూస్: ఆగస్టు వరకు పీఎఫ్ భారం​ కేంద్రానిదే

కేంద్ర మంత్రివర్గం చిరుద్యోగులకు ఊరట కలిగిస్తూ కీలక నిర్ణయం తీసుకుంది. ఆగస్టు వరకు ఉద్యోగి, యజమానుల ఈపీఎఫ్ భారాన్ని (12+12 శాతం)... గరీబ్ కళ్యాణ్ యోజన పథకం కింద కేంద్రమే భరించే ప్రతిపాదనను ఆమోదించింది. దీని వల్ల వల్ల 3.67 లక్షల మంది యజమానులకు, 72.22 లక్షల మంది ఉద్యోగులకు ఉపశమనం కలగనుంది.

వేతన జీవులకు ఊరట కలిగిస్తూ కేంద్ర మంత్రివర్గం కీలక నిర్ణయం తీసుకుంది. ఈపీఎఫ్​ భారం [ఉద్యోగి, యజమాని ఇద్దరి వాటాలను (12+12)] కేంద్రమే భరించేలా తీసుకొచ్చిన పథకాన్ని మరో మూడు నెలల వరకు పొడిగించే ప్రతిపాదనకు ఆమోదం తెలిపింది.

దీని ప్రకారం... రూ.15 వేలలోపు వేతనం ఉన్న ప్రభుత్వ, ప్రైవేటు ఉద్యోగుల జూన్​, జులై, ఆగస్టు నెలలకు చెందిన ఈపీఎఫ్‌ కంట్రిబ్యూషన్​ను కేంద్రమే భరిస్తుంది. 100 లోపు ఉద్యోగులున్న సంస్థలకు మాత్రమే ఇది వర్తిస్తుంది.

టేక్ హోం సేలరీ పెంపు

ఆర్థికమంత్రి నిర్మలా సీతారామన్ మే నెలలోనే ఈ విషయంపై ప్రకటన చేశారు. ప్రధానమంత్రి గరీబ్ కల్యాణ్ యోజన కింద... ప్రైవేట్, ప్రభుత్వ ఉద్యోగుల పీఎఫ్ కంట్రిబ్యూషన్ భారాన్ని ఆగస్టు వరకు ప్రభుత్వమే చెల్లిస్తుందని స్పష్టం చేశారు.

"కంపెనీల, ఉద్యోగుల పీఎఫ్ కంట్రిబ్యూషన్​ మొత్తాన్ని 12 శాతం నుంచి 10 శాతానికి తగ్గించాం. దీనితో ఉద్యోగుల చేతికి అందే జీతం (టేక్ హోమ్ సేలరీ) పెరుగుతుంది."

- ప్రకాశ్ జావడేకర్, కేంద్ర సమాచార, ప్రసారశాఖ మంత్రి

తాజా నిర్ణయం ప్రకారం, ఉద్యోగి, యజమాని ఇద్దరి వాటాల పీఎఫ్ భారం (12+12 శాతం) ప్రభుత్వమే చెల్లిస్తుంది. ఫలితంగా 3.67 లక్షల మంది యజమానులకు, 72.22 లక్షల మంది ఉద్యోగులకు ఉపశమనం కలగనుంది.

ఇదీ చూడండి:'సమగ్ర రవాణా వ్యవస్థ అభివృద్ధికి కొత్త లాజిస్టిక్స్​ చట్టం'