నెట్​ సమస్యా? బీఎస్ఎన్​ఎల్ 'బావ'కు చెప్పండి!

ప్రభుత్వ రంగ టెలికాం సంస్థ బీఎస్​ఎన్​ఎల్​.. వినియోగదారులకు మెరుగైన సేవలు అందించే దిశగా ముందడుగు వేసింది. ఆన్​లైన్​లో వినియోగదారుల సమస్యల పరిష్కారానికి వర్చువల్​ అసిస్టెంట్​ 'బావా'ను ప్రారంభించింది.

భారత సంచార్ నిగం లిమిటెట్​ (బీఎస్​ఎన్ఎల్​) అన్​లైన్​లో వర్చువల్​ అసిస్టెంట్​ 'బావా'ను ప్రారంభించింది. ఇది టెల్కో వినియోగదారుల ప్రశ్నలకు సమాధానం ఇవ్వడంలో సహాయపడుతుంది.

వినియోగదారులకు సేవలలో ఇబ్బంది ఎదురైనప్పుడు 'బావా'ను సంప్రదించవచ్చని తెలిపింది ఈ ప్రభుత్వం రంగ టెలికాం సంస్థ. కంప్యూటర్, స్మార్ట్‌ఫోన్ వినియోగదారులు ఈ సేవను ఉపయోగించుకోవచ్చని వివరించింది.

కొత్త కనెక్షన్​ పొందడం సహా.. ఇతర టెల్కో సేవలను అందించడమే లక్ష్యంగా దీనిని ప్రారంభించినట్లు అధికారులు పేర్కొన్నారు. బావా ద్వారా బీఎస్​ఎన్​ఎల్​కు సంబంధించిన బిల్లు చెల్లింపులు కూడా చేసుకోవచ్చని తెలిపారు.

ఇదీ చూడండి:చైనాకు చెక్‌: భారత్‌ను ప్రశంసించిన అమెరికా