బీఎస్ఎన్ఎల్ తన ప్రీపెయిడ్ వినియోగదారులకు బంపర్ ఆఫర్ ప్రకటించింది. లాక్డౌన్ సమయంలో తమ ఖాతాలను రీఛార్జ్ చేసుకోలేకపోయిన కస్టమర్లకు మే 5 వరకు ఉచితంగా ఇన్కమింగ్ కాల్స్ పొందే సౌకర్యం కల్పిస్తున్నట్లు ప్రకటించింది.
"లాక్డౌన్ కొనసాగుతున్న ప్రస్తుత పరిస్థితుల్లో..... ప్లాన్ గడువు ముగిసిన/ జీరో బ్యాలెన్స్ ఉన్న బీఎస్ఎన్ఎల్ ప్రీపెయిడ్ వినియోగదారులు చాలా ఇబ్బందులు పడుతున్నారు. అందువల్ల మానవతా దృక్పథంతో.. అటువంటి చందాదారులకు 2020 మే 5 వరకు ఉచితంగా ఇన్కమ్ కాల్స్ స్వీకరించే వెసులుబాటు కల్పిస్తున్నాం."
- బీఎస్ఎన్ఎల్ ప్రకటన
రీఛార్జ్ హెల్ప్లైన్
బీఎస్ఎన్ఎల్... తన వినియోగదారులు ఫోన్ రీఛార్జ్ చేసుకునేందుకు వీలుగా కొత్తగా ఓ టోల్ ఫ్రీ నెంబర్తో హెల్ప్లైన్ ఏర్పాటుచేసింది. ప్రస్తుతం ఈ సౌకర్యం ఉత్తర, పశ్చిమ జోన్లలో మాత్రమే అందుబాటులో ఉంది. 2020 ఏప్రిల్ 22 నుంచి దక్షిణ, తూర్పు జోన్లలోనూ ఈ సౌలభ్యం అందుబాటులోకి రానుంది.
"ఈ కరోనా సంక్షోభ సమయంలో బీఎస్ఎన్ఎల్... చందాదారుల పక్షాన నిలుస్తుంది. వినియోగదారులు తమ ఖాతాలను రీఛార్జ్ చేసుకోవడానికి 'గో డిజిటల్'వైపు మరలాలని ఈ సందర్భంగా మేం అభ్యర్థిస్తున్నాం."
- పి.కె.పూర్వర్, బీఎస్ఎన్ఎల్ సీఎండీ
ఇదీ చూడండి:చైనాకు భారత్‌ షాక్‌-ఎఫ్‌డీఐ నిబంధనలు మరింత కఠినం
