విమానాల్లో వాడే ఇంధనం (ఏటీఎఫ్) ధరలు మరోసారి భారీగా పెరిగాయి. కిలో లీటర్ ఏటీఫ్ ధర రూ.2,922.94 (7.5 శాతం) పెంచుతూ చమురు మార్కెటింగ్ సంస్థలు నిర్ణయం తీసుకున్నాయి. తాజా ధరల పెంపుతో దిల్లీలో కిలో లీటర్ ఏటీఎఫ్ ధర రూ.41,992.81 వద్దకు చేరింది.
గడచిన 30 రోజుల్లో ఏటీఎఫ్ ధరలు పెరగటం ఇది మూడో సారి. ఇప్పటికే కరోనా వల్ల ఆర్థిక సంక్షోభంలో చిక్కుకున్న విమాన సంస్థలకు పెరిగిన ఏటీఎఫ్ ధరలు మరింత భారం కానున్నాయి.
ఏటీఎఫ్ ధరలు ప్రతి నెల 1, 16 తేదీల్లో సవరిస్తుంటాయి చమురు మార్కెటింగ్ సంస్థలు. ఇందులో భాగంగా జూన్ 1న అత్యధికంగా 56.6 శాతం, జూన్ 16న 16.3 శాతం ధరలు పెంచాయి.