ప్రపంచంలోనే ఖరీదైన కారు- ధరెంతో తెలుసా?

ప్రపంచవ్యాప్తంగా ఎన్నో రకాల కార్లు ఉన్నాయి. మామూలు కార్లు లక్షలు పలుకుతుంటే విలాసవంతమైనవి కోట్లు విలువ చేస్తాయి. మరి ప్రపంచంలోనే అత్యంత ఖరీదైన కారు ఏదో తెలుసా? దాని ధర ఎంత ఉంటుందో ఊహించగలరా? రోల్స్​ రాయిస్​ సంస్థ కేవలం ముగ్గురు కస్టమర్ల కోసం తయారు చేసిన ఆ కారు వివరాలు మీకోసం.

రోల్స్​ రాయిస్​ సంస్థ ప్రపంచంలోనే అత్యంత ఖరీదైన కారును తయారు చేసింది. అదీ కేవలం ముగ్గురి కోసమే రూపొందించినట్లు సమాచారం. అందులో ఒక కారును పాప్ ​స్టార్​ దంపతులు బెయోన్స్​, జే జెడ్​ ఒక కారును కొనుగోలు చేశారని వార్తలు వచ్చాయి. అయితే.. అవన్నీ ఊహాగానాలేనని తేలింది. 'రోల్స్​ రాయిస్​ బోట్​ టెయిల్​'గా పిలిచే ఆ కారు.. ప్రస్తుతం మార్కెట్లో అత్యంత ఖరీదైనది. దీని ధర ఏకంగా 28 మిలియన్​ డాలర్లు (రూ.202 కోట్లపైనే).

రోల్స్ రాయిస్​ బోట్​ టెయిల్ కారు

ఈ కారు డిజైన్​ను కస్టమర్ల సూచనల మేరకు రూపొందించినట్లు తెలిపారు రోల్స్​ రాయిస్​ మోటర్​ కార్స్​ సీఈఓ టోర్స్​టెన్​ ముల్లెర్​ ఒట్వోస్​. క్లయింట్లతో రోల్స్​ రాయిస్​ ఇంజినీర్లు పనిచేస్తూ.. వారికి కావాల్సిన ప్రత్యేక వాహనాలను రూపొందిస్తారని పేర్కొన్నారు.

కారు పైభాగం

కారు ప్రత్యేకతలు..

• రోల్స్​ రాయిస్​ బోట్​ టెయిల్​ కారు వెనుకభాగం సీతాకోక చిలుక మాదిరిగా తెరుచుకుంటుంది. దాని నుంచి ఒక గొడుకు విచ్చుకుంటుంది. పిక్​నిక్​కు వెళ్లినప్పుడు ఇది ఎంతగానే ఉపయోగపడుతుంది. అలాగే.. వెనకభాగంలోనే డబుల్​ రిఫ్రిజిరేటర్​ ఉంది. అది 6 డిగ్రీల వరకు చల్లబరుస్తుంది.
  

  బటర్​ఫ్లై మాదిరిగా తెరుచుకునే వెనక భాగం
• రోల్స్​ రాయిస్​ బోట్​ టెయిల్​లో స్విట్జర్లాండ్​​కు చెందిన ప్రముఖ వాచ్​ల తయారీ సంస్థ రూపొందించిన ప్రత్యేక గడియారం ఉంటుంది. అలాగే.. ఈ కారు కంపార్ట్​మెంట్​ను ఖరీదైన లెదర్​, అల్యూమినియంతో రూపొందించారు.
• 15 స్పీకర్ల సౌండ్ సిస్టం ఈ కారులో మరో ప్రత్యేకత.
• ఈ కారు వివరాలు పూర్తిగా తెలియకపోయినప్పటికీ.. ఇందులో 6.757 లీటర్ల వీ12 ట్విన్​ టర్బో ఇంజిన్​ వినియోగించినట్లు సమాచారం.

ఈ విలాసవంతమైన, ఖరీదైన కారు బులెట్​ ప్రూఫ్​ అయుంటుందని భావిస్తున్నారా? అయితే పప్పులో కాలేసినట్లే. ఇది బులెట్​ ప్రూఫ్​ కాదు. ఈ కారు పైభాగం తెరుచుకునేలా ఉంటుంది.

ఇదీ చూడండి:కారు కొనకుండానే ఓనరు అవ్వండిలా...