సింహాలతో ఆనంద్​ మహీంద్ర సందేశం!

ప్రముఖ వ్యాపారవేత్త ఆనంద్​ మహీంద్ర.. తాజాగా చేసిన ట్వీట్​ వైరల్​ అయ్యింది. ఓ వ్యక్తి చిత్రీకరించిన వీడియోలో.. రెండు సింహాలు నీళ్లు తాగుతూ కనపడ్డాయి. మనుషులు, జంతువులు కలిసి జీవించే ప్రపంచం వచ్చే అవకాశముందని ఆనంద్​ మహీంద్ర అభిప్రాయపడ్డారు.

సామాజిక మాధ్యమాల్లో చురుకుగా ఉంటారు ప్రముఖ వ్యాపారవేత్త ఆనంద్​ మహీంద్ర. తాజాగా.. రెండు సింహాలకు సంబంధించి ఓ ట్వీట్​ షేర్​ చేశారు. ఆయన చేసిన ఈ సందేశాత్మక ట్వీట్​ నెట్టింట వైరల్​ అయ్యింది. జంతువులు, మనిషి కలిసి జీవించే ప్రపంచం గురించి ఆయన ట్వీట్​ చేశారు.

వీడియోలో..

ఆనంద్​ మహీంద్ర షేర్​ చేసిన ట్వీట్​లో.. ఓ వ్యక్తికి తలుపు తెరవగానే.. రెండు సింహాలు కనపడ్డాయి. అవి అక్కడే ఉన్న చిన్న తొట్టెలో నీళ్లు తాగుతూ కనపడ్డాయి. అవి ఆ వ్యక్తిని చూశాయి. కానీ దాడికి దిగలేదు. ఆ వ్యక్తి కూడా వాటిని పంపించేందుకు ఎలాంటి ప్రయత్నం చేయలేదు.

అ వ్యక్తి చూసిన తర్వాత సింహాలు.. మళ్లీ నీరు తాగడం మీద దృష్టి పెట్టాయి. అలా దాహం తీర్చుకున్న తర్వాత అక్కడి నుంచి వెళ్లిపోయాయి.

దీనిని ట్వీట్​ చేస్తూ.. ఓ సందేశాన్ని జోడించారు ఆనంద్​ మహీంద్ర.

"ఇది నాకు ఇవాళ కనపడింది. ఇది జునాగఢ్ ప్రాంతానికి చెందింది అనుకుంటా. నెల క్రితం వీడియో అనుకుంటున్నాను. ఉదయాన్నే ఆ వ్యక్తికి అనుకోని సంఘటన ఎదురైంది. మెరుగైన ప్రపంచంవైపు అడుగులు వేస్తున్నామనిపిస్తోంది. అందరం కలిసి జీవిస్తూ.. ఒకటే బావి నుంచి కలిసి నీళ్లు తాగే ప్రపంచం అది."

--- ఆనంద్​ మహీంద్ర, ప్రముఖ వ్యాపారవేత్త.

ఇదీ చూడండి:-మహీంద్ర ఆమె ఫొటో కోసం అంత వెతికారా..?