ప్రముఖ ఇ-కామర్స్‌ దిగ్గజం అమెజాన్ ఇండియా సేల్‌కు సిద్ధమైంది. ప్రతి ఏడాది మాదిరిగానే 'ప్రైమ్ డే సేల్' పేరిట ఈ నెల 26, 27 తేదీల్లో సేల్ నిర్వహించనుంది. వాస్తవానికి జూన్‌లో ఇది జరగాల్సి ఉండగా.. కరోనా కారణంగా ఆలస్యమైంది. అలాగే కొవిడ్‌ కారణంగా ఘోరంగా దెబ్బతిన్న చిరు వ్యాపారులు, చేనేత కార్మికులు, తయారీదారులకు చేయూతనిచ్చేందుకు ఈ సేల్ నిర్వహిస్తున్నట్లు అమెజాన్ ఓ ప్రకటనలో వెల్లడించింది.
ఈ సేల్‌లో మొబైల్‌ ఫోన్లు, టీవీలు, ఇతర గృహోపకరణాలపై పెద్ద ఎత్తున డిస్కౌంట్లు, ఆఫర్లు లభించనున్నాయి. కొత్తగా 300 ఉత్పత్తులను లాంచ్‌ చేయనున్నారు. ఈ సేల్‌లో హెచ్‌డీఎఫ్‌సీ బ్యాంక్‌ డెబిట్‌ కార్డ్‌, క్రెడిట్‌ కార్డు, ఈఎంఐ లావాదేవీలపై 10 శాతం ఇన్‌స్టంట్‌ డిస్కౌంట్‌ లభించనుంది.