ఈ కామర్స్ దిగ్గజం అమెజాన్.. డెలివరీ నెట్వర్క్లో మహీంద్రా విద్యుత్ వాహనాలను వినియోగించేందుకు ఇరు సంస్థల మధ్య ఓ ఒప్పందం కుదిరింది. దీనితో అమెజాన్ ఇండియా దాదాపు వంద మహీంద్రా ట్రియో జోర్ (త్రిచక్ర వాహనం) విద్యుత్ వాహనాలను తమ డెలివరీ నెట్వర్క్లో వినియోగించనుంది. హైదరాబాద్, దిల్లీ, బెంగళూరు, అహ్మదాబాద్, భోపాల్, ఇండోర్, లఖ్నవూ నగరాల్లో వీటిని నడపనుంది.
2025 నాటికి దేశవ్యాప్తంగా తమ డెలివరీ నెట్వర్క్లో విద్యుత్ వాహనాల సామర్థ్యాన్ని 10 వేలకు పెంచుకోవాలని లక్ష్యంగా పెట్టుకున్నట్లు అమెజాన్ గత ఏడాది ప్రకటించింది. ప్రపంచవ్యాప్తంగా ఈ లక్ష్యం లక్ష వాహనాలుగా పేర్కొంది. ఈ లక్ష్యంలో భాగంగానే మహీంద్రాతో ఒప్పదం చేసుకున్నట్లు తెలిపింది.