దేశవ్యాప్తంగా మూడు సర్కిళ్లలో స్పెక్ట్రమ్ వినియోగానికి సంబంధించి ఎయిర్టెల్- జియో మధ్య కుదిరిన డీల్‌ విజయవంతంగా పూర్తయ్యింది. దీంతో ఎయిర్‌టెల్‌కు చెందిన 800 MHz స్పెక్ట్రమ్‌ను వినియోగించే హక్కు జియోకు దఖలు పడింది. రెండు ప్రధాన ప్రత్యర్థి టెలికాం కంపెనీల మధ్య ఇలాంటి ఓ ఒప్పందం విజయవంతమవ్వడం ఇదే తొలిసారి. యూజర్‌ బేస్‌ పరంగా జియో తొలి స్థానంలో ఉండగా.. ఎయిర్టెల్ రెండో స్థానంలో ఉన్న సంగతి తెలిసిందే.
ఎయిర్టెల్- జియో డీల్‌ పూర్తి.. టెలికాం చరిత్రలో ఇదే తొలిసారి! - స్పెక్ట్రమ్ ఎయిర్టెల్
స్పెక్ట్రమ్ వినియోగానికి సంబంధించి ఎయిర్టెల్- జియో మధ్య కుదిరిన డీల్‌ విజయవంతంగా పూర్తయ్యింది. ఇందులో భాగంగా రూ.1,004.8 కోట్లు తమకు అందినట్లు ఎయిర్టెల్ శుక్రవారం రెగ్యులేటరీ ఫైలింగ్‌లో పేర్కొంది.
ఎయిర్టెల్- జియో డీల్‌ పూర్తి.. టెలికాం చరిత్రలో ఇదే తొలిసారి!
ఆంధ్రప్రదేశ్‌ (3.75 MHz), దిల్లీ (1.25 MHz), ముంబయి (2.50 MHz) సర్కిళ్ల పరిధిలోని ఎయిర్‌టెల్‌కు చెందిన స్పెక్ట్రమ్ వినియోగ హక్కుల బదిలీకి ఈ ఏడాది మొదట్లో రెండు కంపెనీల మధ్య పరస్పర ఒప్పందం కుదిరింది. ఇందులో భాగంగా రూ.1,004.8 కోట్లు తమకు అందినట్లు ఎయిర్టెల్ శుక్రవారం రెగ్యులేటరీ ఫైలింగ్‌లో పేర్కొంది. దీంతో పాటు ఈ స్పెక్ట్రమ్ వినియోగానికి గానూ జియో భవిష్యత్‌లో రూ.469.3 కోట్ల మేర చెల్లింపులు జరపాల్సి ఉంటుందని ఎయిర్టెల్ తెలిపింది.
ఇదీ చదవండి :ట్విట్టర్ ఇండియా ఎండీ బదిలీ- నెక్ట్స్ బాస్ ఎవరు?