దేశ వ్యాప్త లాక్డౌన్ ఈ నెల 14 వరకు కొనసాగనుంది. ఆ తర్వాత కూడా ప్రభుత్వం ఎలాంటి నిర్ణయం ప్రకటిస్తుందో వేచి చూడాలని ఎయిర్ఇండియా భావిస్తోంది. అందుకే ఏప్రిల్ 30 వరకు దేశీయ, అంతర్జాతీయ మార్గాల్లో బుకింగ్‌లు తీసుకోవడం లేదని సంస్థ తెలిపింది.
ప్రైవేటు సంస్థలు ఏమంటున్నాయి?
ఇండిగో, స్పైస్‌జెట్‌, గోఎయిర్‌ వంటి ప్రైవేటు సంస్థలు మాత్రం ఏప్రిల్ 15 నుంచే దేశీయ మార్గాల్లో ప్రయాణానికి టికెట్లు విక్రయిస్తున్నట్లు తెలిపాయి. అంతర్జాతీయ మార్గాల్లో ప్రయాణానికి మే 1 నుంచి బుకింగ్‌లు తీసుకుంటున్నట్లు స్పైస్‌జెట్‌, గోఎయిర్‌ ప్రకటించాయి. ఏప్రిల్ 15 నుంచి టికెట్ల బుకింగ్‌ తీసుకుంటున్నట్లు విస్తారా తెలిపింది. ఏప్రిల్ 14 తర్వాత విమాన సంస్థలు బుకింగ్‌లు మొదలుపెట్టుకోవచ్చని పౌర విమానయాన కార్యదర్శి ప్రదీప్‌ సింగ్‌ ఖరోలా ప్రకటించడం గమనార్హం.
ఇదీ చూడండి:లాక్డౌన్ వేళ మనుషుల కదలికల్లో ఇంత మార్పా!