భానుడి భగభగలు@ఖానాపూర్​లో 43 డిగ్రీలు నమోదు

రాష్ట్రంలో ఎండలు మండిపోతున్నాయి. ఇవాళ, రేపు రెండు డిగ్రీలకు పైబడి ఉష్ణోగ్రతలు నమోదయ్యే అవకాశం ఉందని హైదరాబాద్​ వాతావరణ శాఖ తెలిపింది.

ఎండ తీవ్రతకు ప్రజలు ఇబ్బందులు పడుతున్నారు. మంగళవారం రాష్ట్రవ్యాప్తంగా 42 డిగ్రీలకు పైబడి ఉష్ణోగ్రతలు నమోదయ్యాయి. నిర్మల్​ జిల్లా ఖానాపూర్​లో అత్యధికంగా 43 డిగ్రీల ఉష్ణోగ్రత నమోదైంది. బుధ, గురువారాల్లో సాధారణం కంటే రెండు డిగ్రీలు అదనంగా నమోదయ్యే అవకాశాలున్నాయని వాతావరణ శాఖ అధికారి రాజారావు తెలిపారు. కొన్ని ప్రాంతాల్లో ఉరుములు, మెరుపులు, ఈదురు గాలులతో కూడిన ఓ మోస్తరు వర్షాలు కురిసే అవకాశాలున్నాయని వెల్లడించారు.

ఇదీ చదవండి:రామన్నగూడెం @ 95%.. అందరూ గిరిజనులే... !