నాగర్కర్నూల్ లోక్సభ స్థానానికి ఎన్నికలు సజావుగా జరిగేందుకు అన్ని ఏర్పాట్లు పూర్తి చేశామన్నారు జిల్లా పాలనాధికారి శ్రీధర్. ఎలాంటి అవాంఛనీయ ఘటనలు చోటు చేసుకోకుండా కట్టుదిట్టమైన భద్రతా చర్యలు చేపట్టామని తెలిపారు. పార్లమెంట్ నియోజకవర్గ పరిధిలో మొత్తం 15,87,281 మంది ఓటర్లు ఉన్నారని... 1,936 పోలింగ్ కేంద్రాలను ఏర్పాటు చేసినట్లు చెప్పారు. ఓటింగ్ శాతం పెంచేందుకు ప్రత్యేక చర్యలు తీసుకున్నామని వివరించారు. వృద్ధులు, గర్భిణీలు, దివ్యాంగులకు ప్రత్యేక సదుపాయాలను ఏర్పాట్లు చేసినట్లు పేర్కొన్నారు. ఓటర్లు పోలింగ్ కేంద్రానికి ఓటర్ స్లిప్లతో పాటు ప్రభుత్వం ఆమోదించిన గుర్తింపు కార్డులలో ఏదైనా తీసుకురావచ్చన్నారు.
నాగర్కర్నూల్ కలెక్టర్ శ్రీధర్