దేశం యావత్తూ ప్రస్తుతం ఐపీఎల్ ఫీవర్తో ఊగిపోతోంది. కొద్దిరోజుల క్రితం ప్రారంభమైన ఈ లీగ్లో 8 జట్లు హోరాహోరీగా తలపడుతున్నాయి. టైటిల్ ఫేవరెట్లలో సన్రైజర్స్ హైదరాబాద్ ఒకటి. ఓపెనర్ వార్నర్ జట్టు విజయాల్లో కీలక పాత్ర పోషిస్తున్నాడు.
ఓ ప్రమోషనల్ ఇంటర్వూలో భాగంగా జట్టు సభ్యుడు వార్నర్ చెప్పిన ఓ సమాధానం ఆకట్టుకుంది. బాహుబలి సినిమాలో నటించాలని ఉందంటూ తన మనసులో మాటను బయటపెట్టాడు ఈ డాషింగ్ ఓపెనర్. భారతీయులే కాకుండా ప్రపంచవ్యాప్తంగా ఈ చిత్రానికి అభిమానులున్నారని ఈ సమాధానం మరోసారి నిరూపించింది.