అధికార పార్టీ నాయకులు పోలీసులను అడ్డుపెట్టుకొని బెదిరింపులకు పాల్పడుతున్నారని.. తమ పార్టీ నాయకుల జోలికి వస్తే సహించేది లేదని నల్గొండ ఎంపీ ఉత్తమ్కుమార్ రెడ్డి అన్నారు. నియోజకవర్గంలో నూతనంగా ఎన్నికైన ఎంపీటీసీ, ఎంపీపీ, జడ్పీటీసీ, కో- ఆప్షన్ సభ్యులను ఆయన సన్మానించారు. రాష్ట్రంలో తెరాస అభివృద్ధిపై దృష్టి సారించకుండా.. ఎమ్మెల్యేలను కొనుగోలు చేసే పనిలో ఉందని విమర్శించారు. నల్లగొండ పార్లమెంటు సభ్యునిగా ఉన్నా... నియోజకవర్గంపై ప్రత్యేక దృష్టి పెట్టి సమస్యల పరిష్కారం కోసం కృషి చేస్తానన్నారు. మూడు నెలల్లో జరగబోయే హుజూర్నగర్ ఉపఎన్నికలో కాంగ్రెస్ ఘన విజయం సాధిస్తుందని ధీమా వ్యక్తం చేశారు.
కాంగ్రెస్ పార్టీ ముఖ్య కార్యకర్తల సమావేశం