ప్రధాని మోదీతో మైక్​ పాంపియో భేటీ

అమెరికా విదేశాంగ మంత్రి మైక్​ పాంపియో.. ప్రధాని మోదీతో భేటీ అయ్యారు. మంగళవారం రాత్రి భారత్​కు చేరుకున్న ఆయన ఈ ఉదయమే మోదీతో సమావేశమయ్యారు.

ప్రధాని నరేంద్రమోదీతో అమెరికా విదేశాంగ మంత్రి మైక్ పాంపియో భేటీ అయ్యారు. భారత​ పర్యటనలో భాగంగా మంగళవారం రాత్రి దిల్లీ చేరుకున్న ఆయన ఈ ఉదయమే మోదీతో సమావేశమయ్యారు. లోక్​సభ ఎన్నికల అనంతరం ఉన్నతస్థాయి చర్చల కోసం ఓ విదేశీ మంత్రి భారత్​కు రావడం ఇదే తొలిసారి.

ఈ వారాంతంలో జపాన్​ వేదికగా జరగనున్న జీ20 సదస్సులో భాగంగా మోదీ- అమెరికా అధ్యక్షుడు డొనాల్డ్​ ట్రంప్​ సమావేశమవనున్నారు. ఈ నేపథ్యంలో మోదీ- పాంపియో భేటీ ప్రాధాన్యం సంతరించుకుంది.

జైశంకర్​తో చర్చలు

మోదీతో చర్చల అనంతరం నూతన విదేశాంగ మంత్రి జైశంకర్​తోనూ పాంపియో సమావేశమవనున్నారు. ఉగ్రవాదం, హెచ్​-1బీ వీసాలు, ఇరాన్​ ముడిచమురుపై అగ్రరాజ్యం ఆంక్షలతో భారత్​లో నెలకొన్న పరిస్థితులు, తదితర అంశాలపై ఇరు దేశాల విదేశాంగ మంత్రులు చర్చించనున్నారు.