విశాఖ 'గ్యాస్​ లీకేజీ' ఘటనపై ఐరాస విచారం

విశాఖపట్టణం గ్యాస్ లీకేజీ ఘటనపై ఐక్యరాజ్యసమితి స్పందించింది. 12 మంది మృతి చెందడం పట్ల విచారం వ్యక్తం చేసింది. ఈ ఘటనపై భారత్ సమగ్ర దర్యాప్తు జరిపిస్తుందని ఆశాభావం వ్యక్తం చేసింది.

విశాఖ గ్యాస్​ లీకేజీ ఘటన మృతులకు సంతాపం తెలిపింది ఐక్యరాజ్యసమితి. 12 మంది మృతికి కారణమైన ఈ ఘటనపై విచారం వ్యక్తం చేసింది. భారత అధికారులు ఘటనపై సమగ్ర దర్యాప్తు చేస్తారని ఆశాభావం వ్యక్తం చేసింది. ఈ మేరకు ప్రధాన కార్యదర్శి ఆంటోనియో గుటెరస్ అధికార ప్రతినిధి ప్రకటన విడుదల చేశారు.

"మృతులకు సంతాపం తెలుపుతున్నాం. ఘటనతో ప్రభావితమైన వారు త్వరగా కోలుకోవాలని ఆకాంక్షిస్తున్నాం. ఇలాంటి ఘటనలపై సమగ్ర దర్యాప్తులు జరగాలి."

-స్టెఫానీ డుజారెక్, ఐరాస అధికార ప్రతినిధి

విశాఖలోని ఎల్​జీ పాలిమర్స్​లో గ్యాస్ లీకై గురువారం 12 మంది ప్రాణాలు కోల్పోయారు. వందలాది మంది అస్వస్థతకు గురయ్యారు.

ఇదీ చూడండి:కళ్లు తెరవక ముందే కమ్మేసింది విషవాయు మేఘం