నేడు రవీంద్ర భారతిలో ఉగాది వేడుకలు

ఈరోజు ఉదయం రవీంద్రభారతిలో వికారినామ సంవత్సర ఉగాది వేడుకలు నిర్వహించనున్నారు. కార్యక్రమానికి ముఖ్య అతిథిగా సీఎస్​ ఎస్కే జోషి హాజరుకానున్నారు.

ఉగాది వేడుకల కోసం రాష్ట్ర ప్రభుత్వం ప్రత్యేక ఏర్పాట్లు చేసింది. ఈరోజు ఉదయం 10.30 గంటలకు ప్రభుత్వం తరఫున రవీంద్ర భారతిలో వికారి నామ సంవత్సర వేడుకలు నిర్వహించనున్నారు. ఎన్నికల నియమావళి రీత్యా ప్రగతి భవన్​లో నిర్వహించడం లేదని అధికారులు తెలిపారు. ఈ వేడుకలకు సీఎస్​ ఎస్కే జోషి హాజరుకానున్నారు. పంచాంగ శ్రవణంతో పాటు, సాంస్కృతిక కార్యక్రమాలు నిర్వహించనున్నారు.

గవర్నర్​, ముఖ్యమంత్రి ఉగాది శుభాకాంక్షలు

ఉగాది పర్వదినం సందర్భంగా గవర్నర్​ నరసింహన్​, ముఖ్యమంత్రి కేసీఆర్​ ప్రజలకు శుభాకాంక్షలు తెలిపారు. కొత్త ఏడాదిలో ప్రజలకు ఉజ్వల భవిష్యత్తు కలగాలని గవర్నర్​ ఆకాంక్షించారు. ప్రజలంతా సుఖశాంతులతో జీవించాలని భగవంతుని ప్రార్థిస్తున్నట్లు సీఎం తెలిపారు.

ఇదీ చదవండి: సివిల్స్​లో మిర్యాలగూడ వాసికి 7వ ర్యాంకు