అనారోగ్యంతో గురువారం తుదిశ్వాస విడిచిన అలనాటి నటి, దర్శకురాలు విజయనిర్మలకు సినీ, రాజకీయ ప్రముఖులు నివాళి అర్పించారు. నానక్‌రామ్‌గూడలోని నివాసానికి వచ్చిన ముఖ్యమంత్రి కేసీఆర్, ఇతర మంత్రులు, చిరంజీవి, పవన్‌కల్యాణ్‌, రాఘవేంద్రరావు, మురళీమోహన్‌, రాజేంద్రప్రసాద్‌, కృష్ణంరాజు, మోహన్‌బాబు తదితరులు భౌతికకాయానికి శ్రద్ధాంజలి ఘటించారు. ఆమె భర్త కృష్ణ, కుమారుడు నరేశ్, కుటుంబ సభ్యులకు ప్రగాఢ సానుభూతి తెలిపారు. ఆమెతో ఉన్న అనుబంధాన్ని గుర్తుచేసుకున్నారు.
విజయనిర్మల పార్థివదేహానికి నేడు చిలుకూరు సమీపంలోని వ్యవసాయ క్షేత్రంలో అంత్యక్రియలు నిర్వహించనున్నట్లు కుటుంబసభ్యులు వెల్లడించారు. ఫిల్మ్ చాంబర్కి పార్థివ దేహాన్ని తీసుకెళ్లడం లేదని ఆమె కుమారుడు నరేశ్ తెలిపారు. ఉదయం 9 గంటలకు నానక్‌రామ్‌గూడ నివాసం నుంచి అంతిమయాత్ర ప్రారంభం అవుతుందని పేర్కొన్నారు.
సినీనటి విజయనిర్మల అంత్యక్రియలు