'అత్యవసరమైతే తప్ప శ్రీలంకకు వెళ్లొద్దు'

అత్యవసరమైతే తప్ప శ్రీలంకకు వెళ్లొద్దని పౌరులకు సూచించింది భారత విదేశాంగ శాఖ. లంకకు వెళ్లే వారు ఆ దేశంలోని భారత హైకమిషనరేట్ల​ను సంప్రదించాలని సూచించింది.

శ్రీలంకకు ప్రయాణాలు చేయవద్దని పౌరులకు సూచిస్తూ భారత విదేశాంగ శాఖ ప్రకటన విడుదల చేసింది. అత్యవసరంగా వెళ్లాల్సి వస్తే కొలంబోలోని భారత హైకమిషన్, సహాయ కమిషనరేట్లైన కాండీ, హంబన్​టోట, జాఫ్నా కేంద్రాలను సంప్రదించాలని సూచించింది.

బాంబు పేలుళ్ల అనంతరం దేశంలో అత్యయిక పరిస్థితిని విధించింది శ్రీలంక. అంతర్గత భద్రతను ఆ దేశం కట్టుదిట్టం చేసిందని, రాత్రిళ్లు కర్ఫ్యూ విధించిన కారణంగా ప్రయాణాలు అంత సులభం కాదని వెల్లడించింది.

ఈ నెల 21న శ్రీలంక వ్యాప్తంగా మూడు చర్చిలు, మూడు హోటళ్లు సహా ఎనిమిది చోట్ల ఉగ్రవాదులు జరిపిన బాంబు పేలుళ్లలో చేసిన 253మంది మృతి చెందారు. 26న చేసిన దాడుల్లో ఆరుగురు చిన్నారులు, ముగ్గురు మహిళలు సహా 15మంది చనిపోయారు.

ఇదీ చూడండి: న్యూజెర్సీ సెనేటర్​ బరిలో భారతీయ అమెరికన్