'విద్యుత్ తీగలు తగిలి ట్రాక్టర్​ ట్రాలీ దగ్ధం'

విద్యుత్ తీగలు తగిలి ట్రాక్టర్​ ట్రాలీ దగ్ధమైన ఘటన కామారెడ్డి జిల్లా మేనూర్​ వద్ద చోటుచేసుకుంది. సమాచారం అందుకున్న అగ్నిమాపక సిబ్బంది మంటలు ఆర్పారు. ఈ ప్రమాదంలో మూడు లక్షల ఆస్తి నష్టం సంభవించినట్లు బాధితుడు తెలిపాడు.

కామారెడ్డి జిల్లా మేనూర్​ గ్రామ శివారులో అగ్ని ప్రమాదం జరిగింది. మొగ గ్రామం నుంచి మహారాష్ట్రకు పశువుల మేతను తీసుకెళ్తుండగా ప్రమాదవశాత్తు విద్యుత్​ తీగలు తగిలి మంటలు చెలరేగాయి. అప్రమత్తమైన డ్రైవర్​ వెంటనే అగ్నిమాపక సిబ్బందికి సమాచారమిచ్చాడు. ఘటనా స్థలికి చేరుకున్న అగ్నిమాపక పోలీసులు మంటలు అదుపులోకి తెచ్చారు. ప్రమాదంలో మూడు లక్షల వరకు ఆస్తి నష్టం జరిగినట్లు రైతు అనిల్ తెలిపారు.