అభిమానుల మనసు గెలిచిన మెగా హీరో

అనాథ పిల్లల కోసం మెగాహీరో సాయిధరమ్ తేజ్ 'అవెంజర్స్ ఎండ్ గేమ్' సినిమాను ఉచితంగా వీక్షించేందుకు ఏర్పాటు చేశాడు.

ఇటీవలే 'చిత్రలహరి' సినిమాతో విజయాన్ని అందుకున్నాడు మెగా హీరో సాయిధరమ్ తేజ్. తాజాగా తన మంచి మనసుతో ప్రేక్షకుల హృదయాలు గెల్చుకున్నాడు. ఇటీవలే విడుదలై బాక్సాఫీస్ వద్ద వసూళ్ల వర్షం కురిపిస్తున్న హాలీవుడ్ చిత్రం 'అవెంజర్స్ ఎండ్​గేమ్'. ఈ సినిమాను అనాథ పిల్లలకు ఉచితంగా చూపించాడు సాయిధరమ్. వారికోసం ప్రత్యేక ప్రదర్శనను ఏర్పాటు చేశాడు. సినిమాల్లోనే కాదు నిజజీవితంలోనూ హీరో అని నిరూపించుకున్నాడీ కథానాయకుడు.

తన స్నేహితుడు, సోదరుడితో కలిసి ఈ మంచి పని చేసినందుకు సంతోషంగా ఉందని అన్నాడు సాయిధరమ్ తేజ్. సినిమా అనంతరం పిల్లలకు మొక్కలను పంపిణీ చేసి వారికి పర్యావరణ బాధ్యతనూ తెలియజేశాడు.

ఇవీ చూడండి.. మారుతితో సాయిధరమ్ తేజ్ సినిమా?