రాజ్యసభ రెండు గంటల వరకు వాయిదా

ప్రతిపక్షాల నిరసనల మధ్య మధ్యాహ్నం రెండు గంటల వరకు సభ వాయిదా పడింది.

పెద్దల సభ విపక్షాల నిరసనలతో హోరెత్తింది. రాష్ట్రపతి ప్రసంగంపై ధన్యవాద తీర్మానం, శుక్రవారం నిర్వహించాల్సిన కార్యక్రమాలపై సభాపతి వెంకయ్య నాయుడు వివరిస్తుండగానే సమాజ్​వాదీ పార్టీ ఎంపీ రాంగోపాల్​ యాదవ్​ మాట్లాడారు. దాంతో ఆగ్రహించిన ఛైర్మన్​ వెంకయ్య సభ్యుల తీరుపై ఆగ్రహం వ్యక్తం చేశారు. సభను నడపలేనని తేల్చి చెప్పారు. 11:20 గంటల వరకు ఐదు నిమిషాల పాటు వాయిదా వేశారు.

అనంతరం సభ తిరిగి ప్రారంభమైనప్పటికీ విపక్ష సభ్యులు వెనక్కు తగ్గలేదు. విశ్వవిద్యాలయాల్లో రిజర్వేషన్​ విధానంపై సుప్రీం కోర్టులో పునర్విచారణ వ్యాజ్యం​ వేస్తామని మానవ వనరుల అభివృద్ధి శాఖ మంత్రి ప్రకాశ్​ జావడేకర్​ తెలిపారు. ఆయన ప్రసంగంపై సభ్యులు అభ్యంతరం వ్యక్తం చేస్తూ నిరసనలు చేపట్టారు. ఎస్పీ, బీఎస్పీ సభ్యులు నినాదాలు చేశారు. ఆ గందరగోళం మధ్యే సభను మధ్యాహ్నం రెండు గంటల వరకు వాయిదా వేశారు ఛైర్మన్​.