"విలీనాల్లోనూ తెరాస ప్రభుత్వం రికార్డు సృష్టించింది"

ఐదేళ్లలో ఏడు విలీనాలు చేపట్టి తెరాస ప్రభుత్వం రికార్డు సృష్టించిందని తెదేపా పొలిట్​ బ్యూరో సభ్యుడు రావుల చంద్రశేఖర్​ రెడ్డి ఎద్దేవా చేశారు. ప్రజాస్వామ్యంలో ప్రతిపక్షం లేకుండా చేయడం మంచిది కాదన్న రావుల.. ఈ అంశంపై జాతీయ స్థాయిలో చర్చ జరగాలన్నారు.

అధికార పార్టీలో చేరితేనే నియోజకవర్గ అభివృద్ధి జరుగుతుందంటే.. జాతీయ స్థాయిలో తెరాస ఎంపీలు కూడా అధికారపార్టీలో చేరాలి కదా అని తెదేపా పొలిట్​ బ్యూరో సభ్యుడు రావుల చంద్రశేఖర్​రెడ్డి ప్రశ్నించారు. సీఎల్పీని తెరాసలో విలీనం చేస్తూ సభాపతి పోచారం శ్రీనివాస్​ రెడ్డి ఇచ్చిన ఉత్తర్వులను తప్పుబట్టారు. పార్టీ వీడిన ఎమ్మెల్యేలపై కాంగ్రెస్​ ఫిర్యాదులు పట్టించుకోకుండా విలీనాన్ని స్వాగతించడం సరికాదన్నారు.

ఇదీ చూడండి : నాగర్‌‌‌కర్నూల్ జిల్లా తెరాసలో వర్గపోరు... ఘర్షణ