'ఇద్దరి లోకం ఒకటే' అంటున్న రాజ్​తరుణ్​

రాజ్‌త‌రుణ్ కథానాయకుడిగా నూతన దర్శకుడు జి.ఆర్‌.కృష్ణ తెరకెక్కిస్తోన్న చిత్రం ‘ఇద్దరి లోకం ఒకటే’. ఈ చిత్రం నేడు లాంఛనంగా ప్రారంభమైంది.

చాలా రోజుల విరామంతో తర్వాత మళ్లీ కెమేరా ముందుకు రానున్నాడు యువ నటుడు రాజ్​తరుణ్​. అతడు హీరోగా నటిస్తోన్న చిత్రం 'ఇద్దరి లోకం ఒకటే'. శ్రీ వెంక‌టేశ్వ‌ర క్రియేష‌న్స్ పతాకంపై దిల్‌ రాజు నిర్మిస్తున్నారు. హైద‌రాబాద్‌లో ఈ చిత్రం షూటింగ్ లాంఛనంగా ప్రారంభ‌మైంది. ముహూర్త‌పు స‌న్నివేశానికి వి.విజ‌యేంద్ర ప్ర‌సాద్ క్లాప్ కొట్ట‌గా.. ప్ర‌సాద్ కెమెరా స్విచ్ఛాన్ చేశారు. దిల్‌రాజు మ‌న‌వ‌డు మాస్ట‌ర్ ఆరాన్ష్ గౌర‌వ ద‌ర్శ‌క‌త్వం వ‌హించారు.

విజ‌యేంద్ర ప్ర‌సాద్​, రాజ్​తరుణ్

‘ఇద్దరి లోకం ఒకటే’ చిత్రబృందం

"రాజ్‌త‌రుణ్‌ మా బ్యాన‌ర్‌లో చేస్తోన్న రెండో చిత్రం 'ఇద్ద‌రి లోకం ఒక‌టే'. కృష్ణ ద‌ర్శ‌కుడిగా ప‌రిచ‌యం అవుతున్నారు. మిక్కీ జె.మేయర్ సంగీతం...స‌మీర్ రెడ్డి సినిమాటోగ్ర‌ఫీ అందిస్తున్నారు. అబ్బూరి ర‌వి మాట‌లు రాస్తున్నారు. త్వ‌ర‌లోనే ఈ చిత్రానికి సంబంధించిన మరిన్నివివ‌రాల‌ను తెలియ‌జేస్తాం"
-- దిల్​రాజు, చిత్ర నిర్మాత