రాజధానిలో వర్షం... రోడ్లపై నిలిచిన జలం

'ఫొని' తుఫాను ప్రభావంతో రాజధానిలో వర్షం కురిసింది. ఒక్కసారిగా జల్లు పడటంతో అప్పటి వరకూ సెగలు కక్కిన రహదారులు... చల్లదనం పంచాయి.

హైదరాబాద్​లో సాయంత్రం పలు ప్రాంతాల్లో ఓ మోస్తరు వర్షం కురిసింది. బేగంబజార్, కోఠి, సుల్తాన్​బజార్, అబిడ్స్, నాంపల్లి, బషీర్​బాగ్, లిబర్టీ, హిమాయత్ నగర్, లక్డీకపూల్ తదితర ప్రాంతాల్లో వాన పడింది. రోడ్లపై నీరు నిలిచి వాహన దారులు, బాటసారులు తీవ్ర ఇబ్బందులు పడ్డారు. ట్రాఫిక్​ స్తంభించి ఇక్కట్లు ఎదుర్కొన్నారు.

ఫొని తుపాను ప్రభావంతో 3 రోజుల పాటు తెలంగాణలో అక్కడక్కడా వర్షాలు కురుస్తాయని వాతావరణ శాఖ అధికారులు తెలిపారు.

ఇవీ చూడండి: వరంగల్ జైలుకు సీరియల్ కిల్లర్ శ్రీనివాసరెడ్డి