సొంతగడ్డపై పంజాబ్ జట్టు సమయోచిత గెలుపు

మొహాలీ వేదికగా జరిగిన ఐపీఎల్ మ్యాచ్​లో 8 వికెట్ల తేడాతో పంజాబ్ గెలుపొందింది. 177 లక్ష్యాన్ని కాపాడుకోవడంలో ముంబయి బౌలర్లు విఫలమయ్యారు. 71 పరుగులు చేసిన రాహుల్ ఆకట్టుకున్నాడు.

మొహాలీ వేదికగా ముంబయితో జరిగిన మ్యాచ్​లో కింగ్స్ ఎలెవన్ పంజాబ్ 5 వికెట్ల తేడాతో గెలుపొందింది. పంజాబ్ జట్టు ఓపెనర్ రాహుల్ 71 పరుగులతో జట్టు గెలుపులో కీలక పాత్ర పోషించాడు. ఇదే మ్యాచ్​లో గేల్ అరుదైన ఘనత సాధించాడు. ఐపీఎల్​లో 300 సిక్స్​లు కొట్టిన తొలి క్రికెటర్​గా నిలిచాడు.

పంజాబ్ టాప్ మెరిసింది

177 పరుగుల లక్ష్యంతో బరిలోకి దిగిన పంజాబ్​కు ఓపెనర్లు గేల్, రాహుల్ శుభారంభం అందించారు. తొలి వికెట్​కు 53 పరుగులు భాగస్వామ్యం నెలకొల్పారు. తర్వాత 40 పరుగుల వ్యక్తిగత స్కోరు వద్ద గేల్ క్యాచ్ అవుట్​గా వెనుదిరిగాడు.

గేల్ సిక్సర్ల రికార్డు..

ఈ మ్యాచ్​లో క్రిస్ గేల్ అరుదైన రికార్డు సాధించాడు. ఐపీఎల్​లో 300 సిక్స్​లు కొట్టిన తొలి క్రికెటర్​గా నిలిచాడు. ప్రస్తుతం 302 సిక్స్​లతో జాబితాలో అగ్రస్థానంలో ఉన్నాడు.

300 సిక్స్​లు కొట్టి ఐపీఎల్​లో రికార్డు నెలకొల్పిన గేల్

మిగతా బ్యాట్స్​మెన్​లో మాయంక్ 43, మిల్లర్ 13 పరుగులు చేశారు.

ముంబయి బౌలర్లు ఈరోజు మ్యాచ్​లో తేలిపోయారు. కృనాల్ పాండ్యకు మాత్రమే రెండు వికెట్లు దక్కాయి. మిగతావారెవరూ ప్రత్యర్థి బ్యాట్స్​మెన్​ను ఔట్ చేయేలేకపోయారు.

డికాక్ ఒంటరి పోరాటం

ముంబయి ఓపెనర్​ డికాక్​ 60 పరుగులతో రాణించాడు. మిగతా వారి నుంచి అతడికి పెద్దగా సహకారం లభించలేదు.

క్వింటన్ డికాక్

మిగతా వారిలో రోహిత్ శర్మ 32, హార్దిక్ 31, సూర్యకుమార్ యాదవ్ 11, యువరాజ్ సింగ్ 18, పొలార్డ్ 7, కృనాల్ 10 పరుగులు చేసి ఔటయ్యాడు.

పంజాబ్ బౌలర్లలో మురుగన్ అశ్విన్, విజలెన్, షమి తలో రెండు వికెట్లు తీశారు. ఆండ్రూ టైకి ఒక వికెట్ దక్కింది.

ఇదీ చదవండి:నాని.. క్రికెటర్​ అర్జున్​గా మారాడిలా...