నిమ్మకాయలను తొక్కించబోతే ఏమైందో తెలుసా...?

ఓ వ్యక్తి తన కారుకు పూజ చేయించాలని ఆలయానికి తీసుకురాగా అది భక్తులపై దూసుకెళ్లింది. ఘటనలో ఏడుగురికి గాయాలయ్యాయి.

ఏపీలోని కర్నూలు జిల్లా శ్రీశైలం సాక్షి గణపతి ఆలయం వద్ద కారు బీభత్సం స్పష్టించింది. పూజా కార్యక్రమం అనంతరం నిమ్మకాయలను తొక్కించడానికి కారును ముందుకు తీసుకెళ్లే క్రమంలో బ్రేక్​కు బదులు యాక్సిలరేటర్​పై చోదకుడు కాలు పెట్టాడు. క్యూలైన్లలో ఉన్న భక్తుల మీదకు వాహనం వేగంగా దూసువెళ్లింది. ఘటనలో ముగ్గురు మహిళలు సహా ఏడుగురికి గాయాలయ్యాయి. క్షతగాత్రులను శ్రీశైలం దేవస్థానం సిబ్బంది ఆసుపత్రికి తీసుకెళ్లారు. వీరిలో ఇద్దరి పరిస్థితి తీవ్రంగా ఉన్నందున మెరుగైన చికిత్స కోసం హైదరాబాద్​కు తరలించారు. బాధితులంతా సంగారెడ్డి జిల్లాకు చెందినవారుగా గుర్తించారు.